TZOLOM 4

Oksi chiʼus li xraqal li Santil Hu

Mateo 22:41-45

WIIBʼ OXIBʼ LI AATIN: Kʼehebʼ chi kʼoxlak xbʼeenwa naq toj maajiʼ nakat-ok xyaabʼasinkil li xraqal li Santil Hu.

Kʼoxla kʼaʼut taayaabʼasi li raqal. Naq ok aawe chi xyaabʼasinkil, ye junaq li aatin li tixtenqʼahebʼ chi rilbʼal li naʼlebʼ li taawaj xkʼutbʼal.

Wanq saʼ laachʼool chirix kʼaru yook chi aatinak li raqal. Tento taaye ani kiyehok re li aatin li yookat roksinkil ut ani kitzʼiibʼank re li xhuhil li Santil Hu.
Kʼut naq wank xwankil li Santil Hu. Naq yooqat chi aatinak rikʼinebʼ li nekeʼxpaabʼ naq wank jun li Yos, kʼut naq li Santil Hu aʼan Raatin li Yos. Joʼkan naq, rikʼin nachalk li choxahil naʼlebʼ.
Bʼaanu naq teʼraj xnawbʼal chirix li xraqal li Santil Hu. Kʼe junaq li patzʼom li tixsume li raqal, ye junaq li chʼaʼajkilal li tixchʼolobʼ li raqal chanru xtuqubʼankil ru malaj ye kʼaru li chaabʼil naʼlebʼ re li Santil Hu naxkʼut li raqal aʼin.

Wanq saʼ laachʼool li ak nekeʼxnaw chirix li naʼlebʼ ut li xraqal li Santil Hu. Taawoksi chiʼus ebʼ li raqal usta nawbʼil ru, ut tenqʼahebʼ chi xtawbʼal ru chiʼus malaj re naq teʼxtzol jalan chik li naʼlebʼ.