Oksi li naʼlebʼ li tkʼanjelaq chiruhebʼ

1 Corintios 9:19-23

WIIBʼ OXIBʼ LI AATIN: Kʼehebʼ chi kʼoxlak li yookebʼ chaawabʼinkil; tento teʼxkʼe reetal naq xeʼxtzol junaq li naʼlebʼ li ttenqʼanq rehebʼ.

CHANRU XBʼAANUNKIL

• Kʼoxla li ak nekeʼxnaw. Moko kaʼaj tawiʼ taaye wiʼ chik li ak xeʼrabʼi chaq, tenqʼahebʼ bʼan chi rilbʼal naq wank kʼaru chik teʼxtzol chirix li naʼlebʼ aʼin.

• Kʼe aahoonal chi xtzʼilbʼal ut xkʼoxlankil rix. Wi naruhank, oksi li naʼlebʼ li inkʼaʼ nawbʼil ru chiʼus malaj li tojaʼ xkʼulmank re xchʼolobʼankil junaq xnimal ru naʼlebʼ. Kʼe aachʼool chi xkʼoxlankil rix aʼin ut chanru naxchap ribʼ rikʼin li naʼlebʼ li taawaj roksinkil.

• Kʼut chanru xyuʼaminkil li naʼlebʼ. Chʼolobʼ chanru li chaabʼil naʼlebʼ li naxkʼe li Santil Hu truuq xtenqʼankilebʼ saʼ li xyuʼam wulaj wulaj. Taaye li ak nekeʼxnaw ebʼ li yookebʼ chaawabʼinkil joʼ ebʼ li chʼaʼajkilal, li xnaʼlebʼebʼ li poyanam ut ebʼ li xkʼanjel.