TZOLOM 02
Li Santil Hu naxyeechiʼi qe li sahil chʼoolejil
Saʼ chixjunil li ruuchichʼochʼ ebʼ li kristiʼaan nekeʼxkʼul li chʼaʼajkilal ut aʼin naxbʼaanu naq tnumtaaq xkʼaʼuxebʼ ut teʼrahoʼq xchʼool. Ma ak xaakʼul aʼan saʼ laayuʼam? Maare ra aachʼool xbʼaan naq wank jun laayajel, xkamk jun laawamiiw malaj laakomon ut nakaakʼoxla: ma t-usaq chixjunil aʼin saʼ junaq kutan? Li xsumenkil li naxkʼe li Santil Hu naxkʼojobʼ qachʼool.
1. Kʼaru naxyeechiʼi qe li Santil Hu choʼq re li kutan chalkebʼ re?
Li Santil Hu naxchʼolobʼ kʼaʼut naq saʼ li ruuchichʼochʼ numtajenaq li chʼaʼajkilal. Naxkʼe ajwiʼ li chaabʼil esil naq li Yos chi seebʼ trisi chixjunil aʼin. Li Santil Hu naxye naq naru taataw xsahil aachʼool «chi junelik» (yaabʼasi Jeremías 29:11, 12). Ebʼ li yeechiʼom aʼin nokooxtenqʼa re naq tqakuy xnumsinkil ebʼ li chʼaʼajkilal ut inkʼaʼ tchʼinaaq li qachʼool. Naxye ajwiʼ qe naq naru naq sahaq saʼ qachʼool chi junelik.
2. Kʼaru naxye li Santil Hu chirix chanruhaq li kutan chalkebʼ re?
Li Santil Hu naxye naq twulaq li kutan naq maakʼaʼaq chik «kamk, chi moko yaabʼak, chi moko japok e malaj rahilal» (yaabʼasi Apocalipsis 21:4). Maakʼaʼaqebʼ chik li chʼaʼajkilal li naxkʼam chaq li rahilal joʼ li nebʼaʼil, li xikʼ ilok, li yajel ut li kamk. Li Santil Hu naxyeechiʼi naq ebʼ li kristiʼaan teʼxtaw li sahil chʼoolejil saʼ li chʼinaʼusil naʼajej arin saʼ li Ruuchichʼochʼ.
3. Kʼaru ttenqʼanq aawe re naq taakʼojobʼ aachʼool rikʼin li naxyeechiʼi li Santil Hu?
Naabʼalebʼ li kristiʼaan nekeʼroybʼeni naq t-usaq chixjunil, abʼan moko chʼolchʼo ta chiruhebʼ naq joʼkan tkʼulmanq. Abʼan moko joʼkan ta li naxyeechiʼi li Santil Hu. Naru naqakʼojobʼ qachʼool rikʼin li naxyeechiʼi wi naqatzʼil «xsaʼ li Santil Hu» (Hechos 17:11). Xtzolbʼal li Santil Hu tatxtenqʼa chi rilbʼal ma taapaabʼ li naxye choʼq re li kutan chalkebʼ re.
QASIKʼAQ XCHAMAL LI NAʼLEBʼ
Qatzʼilaq wiibʼ oxibʼ xyeechiʼom li Santil Hu choʼq re li qayuʼam saʼ li kutan chalkebʼ re. Qilaq chanru li yeechiʼom aʼin yook xtenqʼankilebʼ li kristiʼaan.
4. Li Santil Hu naxyeechiʼi naq toowanq chi junelik saʼ sahil chʼoolejil chi maakʼaʼaq qarahilal
Kʼe reetal ebʼ li yeechiʼom aʼin li natawmank saʼ li Santil Hu. Bʼar wank rehebʼ li jwal nawulak chaawu? Kʼaʼut?
Cheeyaabʼasi ebʼ li xraqal li Santil Hu ut chexʼaatinaq chirix ebʼ li patzʼom aʼin:
Ma nakaapaabʼ naq naxkʼe qoybʼenihom ebʼ li raqal aʼin? Kʼoxla ebʼ laakomon ut ebʼ laawamiiw, ma teʼkʼojobʼaaq xchʼool naq teʼxnaw aʼin?
Kʼoxla naq wankat saʼ jun li ruuchichʼochʼ bʼarwiʼ:
MAAʼANI CHIK... |
CHIXJUNILEBʼ... |
|---|---|
|
|
|
|
|
|
|
|
|
|
5. Li naxyeechiʼi li Santil Hu naru naxchaabʼilobʼresi li qayuʼam
Naabʼalebʼ li kristiʼaan rahebʼ saʼ xchʼool ut nekeʼjosqʼoʼk naq nekeʼril li chʼaʼajkilal li wank saʼ li ruuchichʼochʼ. Nekeʼxyal xqʼe re xtuqubʼankil ru chixjunil aʼin. Kʼe reetal chanru li xyeechiʼom li Santil Hu ak yook xtenqʼankil naabʼal li kristiʼaan. Cheerilaq li BʼIDEO ut chexʼaatinaq chirix ebʼ li patzʼom aʼin:
Kʼaru li chʼaʼajkilal naxkʼe chaq xkʼaʼuxl li xRafika?
Usta toj wank li chʼaʼajkilal, chanru kitenqʼaak li xRafika xbʼaan li Santil Hu?
Wi naqapaabʼ li naxyeechiʼi li Santil Hu tqakuy xnumsinkil yalaq kʼaru chi chʼaʼajkilal chi sa saʼ qachʼool. Cheeyaabʼasi Proverbios 17:22 ut Romanos 12:12, ut chexʼaatinaq chirix ebʼ li patzʼom aʼin:
Ma nakaaye naq li naxyeechiʼi li Santil Hu naru naxchaabʼilobʼresi laayuʼam? Kʼaʼut?
WIIBʼ OXIBʼ NEKEʼXYE: «Chʼinaʼus li naxye li Santil Hu abʼan, ma yaal tawiʼ?».
Kʼaʼut nakaaye naq aajel ru xtzʼilbʼal rix ma relik chi yaal ttzʼaqloq ru li naxyeechiʼi li Santil Hu?
LI AK XQATZOL
Li Santil Hu naxyeechiʼi qe naq naru tqataw li sahil chʼoolejil ut nokooxtenqʼa re naq tooruuq xqʼaxbʼal ru yalaq kʼaru chi chʼaʼajkilal.
Qajultikaq
Kʼaʼut naʼajmank naq ebʼ li kristiʼaan teʼxkʼojobʼ xchʼool rikʼin li xyeechiʼom li Yos?
Kʼaru naxye li Santil Hu chirix li kutan chalkebʼ re?
Chanru tatxtenqʼa anaqwan li naxyeechiʼi li Yos?
SIKʼ XKOMON LI NAʼLEBʼ
Tzol chanru li naxyeechiʼi li Yos tatxtenqʼa naq wanq laachʼaʼajkilal.
«Bʼar naru naqataw qoybʼenihom?» (Ajsi aawu!, 22 re abril 2004)
Kʼe reetal chanru li naxyeechiʼi li Yos kixtenqʼahebʼ li kristiʼaan li keʼnimank xyajel.
«Ma nokooxtenqʼa li Santil Hu naq yajo?» (Li naʼlebʼ re jw.org)
Naq taawil li bʼideo, kʼoxla naq wankat rikʼin laajunkabʼal saʼ li chʼinaʼusil naʼajej li naxyeechiʼi li Yos.
Yaabʼasi chanru li naxyeechiʼi li Yos kixjal xyuʼam jun li winq li naʼokenk saʼ xyanqebʼ li nekeʼraj xjalbʼal xwanjik li tenamit.
«Moko ninkʼoxla ta chik xjalbʼal li ruuchichʼochʼ» (Laj Kʼaakʼalehom, 1 re julio 2013)