BʼICH 124
Junelik tiikaq qachʼool
(Salmo 18:25)
1. Wank xkʼulubʼ li Nimajwal Yos
naq tiikaq qachʼool rikʼin.
Tqapaabʼ chi sa qachʼool li
xtaqlahom chi junelik.
Paabʼajel li Yos Jehobʼa ut
li xnaʼlebʼ nokooxtenqʼa.
Nokooxtzol saʼ chaabʼilal ut
maajoqʼe tqakanabʼ.
2. Wank xkʼulubʼ li qas qiitzʼin naq
tiik qachʼool rikʼin ajwiʼ.
Naqara qibʼ chiqibʼil qibʼ
ut wanko saʼ junajil.
Saʼ junpaat nokootenqʼank wi
wank junaq saʼ rajbʼal ru.
Aʼanebʼ li qahermaan ut
oxloqʼebʼ ajwiʼ chiqu.
3. Wank xkʼulubʼ li qamolam naq
jwal tiikaq qachʼool rikʼin.
Naxchʼolobʼ li tzʼaqal yaal ut
chi chaabʼil najolomink.
Usilaatinanbʼilebʼ li
nekeʼxra li tiikilal,
li wankebʼ saʼ junajil ut
nekeʼxpaabʼ li Yos Jehobʼa.
(Chaawil ajwiʼ Sal. 149:1; 1 Tim. 2:8; Heb. 13:17).