BʼICH 24
Taqeʼqo saʼ xtzuulul li Jehobʼa
(Isaías 2:2-4)
1. Il naq kʼajoʼ xnimal
li xtzuulul li Yos Jehobʼa!
Wank saʼ xbʼeenebʼ li bʼool ut
ebʼ li junchʼol chi tzuul.
Ut kʼajoʼ xkʼihalebʼ
nekeʼchalk ut nekeʼxye:
«Kimqex ut choopaabʼank
chiru li Qaawaʼ Jehobʼa».
Joʼ kixye chaq li Yos,
li kachʼin napukank chi tzʼaqal.
Anaqwan naabʼalo!
Nakʼihank li xmolam li Jehobʼa!
Kʼiila mil chi oqʼobʼ
tiikebʼ xchʼool rikʼin li Yos
ut chi anchal xchʼoolebʼ
nekeʼxbʼaanu li rajom.
2. Li Jesús xooxtaqla
chi xpuktesinkil aʼin:
«Wank saʼ xkʼojaribʼaal
li Kriist re awabʼejink!».
Li chaabʼil esilal
napuktesimank chi najt,
ut ebʼ li tiikebʼ xchʼool
chi sa nekeʼxkʼulubʼa.
Nasahoʼk saʼ qachʼool
naq naqil xkʼihalebʼ li kristiʼaan
ut xnawbʼal naq laaʼo
xootzʼaqonk chi xtawbʼal ebʼ aʼan!
Qaʼbʼoqaq ebʼ aʼan
ut xyehaq li xyaabʼ qakux:
«Kimqex ut taqeʼqo
chiru xtzuulul li Jehobʼa!».
(Chaawil ajwiʼ Sal. 43:3; 99:9; Is. 60:22; Hech. 16:5).