Wiibʼ oxibʼ li naʼlebʼ
La Atalaya 1 re Octubre
«Yooko xkʼutbʼal chiruhebʼ laawechkabʼal li tasal hu La Atalaya. [Taakʼut chiru li naʼlebʼ li wank chiru li tasal hu.] Naabʼalebʼ nekeʼxkʼoxla naq yal sachok hoonal li tijok xbʼaan naq maaʼani naʼabʼink re. Abʼan, wankebʼ nekeʼxkʼoxla naq li Yos narabʼi ebʼ li tij. Ut laaʼat kʼaru nakaakʼoxla? [Kanabʼ naq tsumenq.] Kʼe reetal kʼaru naxye li Santil Hu chirix li tijok. [Taayaabʼasi Isaias 30:19.] Saʼ li tasal hu aʼin naxkʼut naq li Yos narabʼi ut naxsume ebʼ li tij wi naqabʼaanu chiʼus ut joʼ chanru naraj Aʼan.»
Chaapaabʼ li Yos re naq Twanq Aayuʼam chi Junelik
Taakʼut chiru li poyanam ebʼ li perel 2 ut 3, ut taapatzʼ re: «Ma taawulaq raj chaawu wank saʼ jun li naʼajej joʼ aʼin? [Kanabʼ naq tsumenq.] Li Santil Hu naxye naq chi seebʼ li Yos tixchʼinaʼusa li Ruuchichʼochʼ, ut aran maakʼaʼaq chik nebʼaʼil chi moko yajel. Kʼe reetal kʼaru tento tqabʼaanu re naq tooruuq chi wank saʼ li chʼinaʼusil naʼajej aʼin. [Yaabʼasi li aatin li wank saʼ xtaqeʼqil li perel 3, bʼarwiʼ naxchʼolobʼ Isaias 55:3.] Arin naxye naq tento tqapaabʼ li Yos. Abʼan, chanru tqakʼutbʼesi naq naqapaabʼ li Yos?». Taasikʼ li perel 4 ut 5, ut tzʼilomaq rix saʼ wiibʼal re xtawbʼal xsumenkil. Wi li qas qiitzʼin maakʼaʼ xhoonal, kanabʼ re li folleto ut taaye re joqʼe tatsutqʼiiq re xtzʼilbʼal rix li naʼlebʼ.