Xiwajel ru li pleetik
Wank wiibʼ oxibʼ li naʼlebʼ li naxrahobʼtesi xchʼoolebʼ li kristiʼaan joʼ li pleetik. Ebʼ li soldaad ut ebʼ li kristiʼaan li xeʼwank saʼ li naʼaj bʼarwiʼ naʼuxmank li pleetik nekeʼxnaw li rahilal li naxkʼam chaq aʼin.
SOLDAAD
«Rajlal kutan taawil chanru nekeʼkamsiik li kristiʼaan malaj nekeʼrahobʼtesiik. Junelik wankat saʼ xiwxiwal» (Gary, Gran Bretaña).
«Wank li xnaʼaj li xnaqʼ puubʼ xnaqʼ wu ut chiwix, xwil chanru nekeʼkamsiik li kristiʼaan. Wank saʼ li pleetik naxbʼaanu naq maakʼaʼ chik taawaj re aʼin» (Wilmar, Colombia).
«Naq nekeʼxpuubʼa junaq li kristiʼaan chaawu moko tatruuq ta risinkil aʼin saʼ laachʼool. Junelik taawabʼi ut taawil naq naʼayaynak li kristiʼaan aʼin» (Zafirah, Estados Unidos).
KRISTIʼAAN
«Xinkʼoxla naq inkʼaʼ chik sahaq saʼ linchʼool. Junelik wank saʼ xiwxiwal laayuʼam, abʼan li qʼaxal xiwajel ru aʼan naq taakʼoxla naq inkʼaʼ chik taawilebʼ ru laajunkabʼal malaj laawamiiw» (Olexandra, Ucrania).
«Nachalk qaxiw xbʼaan naq tento tqoybʼeni li qatzekemq chiru numenaq 20 hoonal. Ut inkʼaʼ taanaw joqʼe tatketeʼq xbʼaan jun li xnaqʼ puubʼ» (Daler, Tayikistán).
«Li pleetik kixkamsi linnaʼ ut linyuwaʼ. Ut maaʼani wank re intenqʼankil ut xkʼojobʼankil linchʼool» (Marie, Ruanda).
Usta ebʼ li kristiʼaan aʼin xeʼrahobʼtesiik xbʼaan li pleetik xeʼxtaw li tuqtuukilal. Ut chʼolchʼo chiruhebʼ naq chi seebʼ maakʼaʼaq chik li pleetik. Laj Kʼaakʼalehom aʼin tixchʼolobʼ rikʼin li Santil Hu chanru tkʼulmanq aʼin.