Mutindu ya Kusadila Kamukanda Yai

Na balutiti yina ke landa, nge ta kuta verse mosi ya Biblia sambu na konso kilumbu mpi komantere na yo. Ata nge lenda tanga verse mpi komantere na yo konso ntangu, bantu mingi ke monaka nde yo kele mbote na kutadila yo na suka. Na nima, bo lenda yindula mabanza yina kilumbu ya mvimba. Kutadila mukapu ya kilumbu na dibuta kele mfunu mingi. Mabuta ya Betele na ntoto ya mvimba ke salaka yo na ntwala ya kudia madia ya suka.

Beto me baka bakomantere na banimero ya Nzozulu ya Nkengi (w) ya Aprili 2016 tii na Marsi 2017. Ntalu (1, 2, 3, 4, to 5) yina kele na nima ya nimero ya Nzozulu ya Nkengi ke monisa disolo ya kulonguka na ndonga yina yo basikaka na nimero yango. Na nima na yo kele ntalu ya baparagrafe kisika bo me baka malongi. (Tala lupangu yina kele awa na nsi.) Nge lenda zwa malongi ya nkaka ya ke tadila diambu ya bo ke tubila na disolo ya kulonguka. Sambu na kuzaba kisika konso disolo ke yantika, tala lutiti ya zole ya nimero yina ya Nzozulu ya Nkengi.