Mutindu ya Kusadila Kamukanda Yai

Na balutiti yina ke landa, nge ta kuta verse mosi ya Biblia sambu na konso kilumbu mpi komantere na yo. Ata nge lenda tanga verse mpi komantere na yo konso ntangu yina, bantu mingi ke monaka mbote na kutadila yo na suka, sambu bo lenda yindula mabanza yina kilumbu ya mvimba. Kutadila mukapu ya kilumbu na dibuta kele mfunu mingi. Mabuta ya Betele na ntoto ya mvimba ke salaka yo na suka na ntangu ya kudia.

Beto me baka bakomantere na banimero ya Nzozulu ya Nkengi (w) ya Aprili 2017 tii na Marsi 2018. Ntalu to bantalu yina kele na nima ya nimero ya Nzozulu ya Nkengi ke monisa lutiti to balutiti ya Nzozulu ya Nkengi kisika disolo yango kele. Ntalu to bantalu yina ke landa kele baparagrafe kisika bo me baka malongi. (Tala lupangu yina kele awa na nsi.) Nge lenda zwa malongi ya nkaka ya ke tadila diambu ya bo ke tubila na disolo ya kulonguka.