Bangiufula ya Batangi

Kana bakala mosi ti nkento mosi yina me kwelanaka ntete ve me lala kisika mosi mpimpa ya mvimba kukonda bikuma ya mfunu, keti yo kele nzikisa ya ke monisa nde bo me sala disumu mpi yo ta lomba nde bo sala komite ya kusambisa?

Ee, kulala kisika mosi mpimpa ya mvimba kukonda kikuma ya mfunu kele kibeni nzikisa ya ke monisa nde bo salaka bizumba. Yo yina, kana bikuma ya mfunu kele ve, kimvuka ya bankuluntu fwete sala komite ya kusambisa.—1 Bakorinto 6:18.

Kimvuka ya bankuluntu ke tadilaka mbote-mbote konso diambu sambu na kuzaba kana bo fwete sala komite ya kusambisa. Mu mbandu: Keti bo zole ke talana sambu na makwela? Keti bankuluntu me pesaka bo dezia bandongisila na yina me tala bikalulu na bo? Sambu na nki bo lalaka kisika mosi mpimpa ya mvimba? Keti bo wakanaka na ntwala? Keti bo lendaka ve kusadila mayele ya nkaka to bo monaka ve kima ya nkaka ya kusala, sambu diambu ya kukonda kukana to diambu mosi salamaka na kintulumukina yina salaka nde bo mona ve kima ya nkaka ya kusala kansi bo lala kisika mosi? (Longi 9:11) Bo lalaka na wapi? Konso diambu me swaswana, yo yina bansangu ya nkaka lenda sadisa bankuluntu na kubaka lukanu.

Na nima ya kutadila mambu yonso, kimvuka ya bankuluntu ta tadila kana bo fwete sala komite ya kusambisa to ve.