Landa Mbandu ya Kristu na Kisalu na Nge ya Kusamuna

¹ Yezu mebikilaka beto mbandu ya beto fwete landa sambu na yina metala kisalu na beto ya kusamuna. Zola ya ngolo yina yandi vandaka na yo sambu na Nzambi mpi sambu na bantu vandaka kumonana na mabaku mingi mpi na mitindu mingi. Yandi longaka bantu ya kudikulumusa kyeleka mpi yandi salaka mambu ya mbote sambu na bantu yina vandaka kumona mpasi mpi kunyokwama.​—⁠Mat. 9:⁠35.

² Mbandu mpi Malongi ya Yezu: Yezu kubikaka ve nde kima mosi kuvalangasa mabanza na yandi. Yandi kudikotisaka ve na mambu ya politiki to na bikesa ya bantu kesalaka sambu na kutomisa luzingu ya bantu ya bwala na bo. Yandi pesaka mpi ve nzila nde kusosa konso kima yankaka ya mbote, kuvalangasa mabanza na yandi to yo baka kisika ya kisalu na yandi ya ntetentete. (Luka 8:⁠1) Yandi tulaka dikebi na yandi kaka na kisalu ya kulonga nsangu ya mbote ya Kimfumu ya Nzambi, sambu yo mpamba tamanisa kimakulu bampasi yonso ya bantu. Yezu kuvandaka ti kisalu ya nene ya kusala, kansi yandi vandaka na ntangu fyoti sambu na kusala yo. Ntangu bantu ya Kapernaumi kuzolaka nde Yezu kubikala na bwala na bo, yandi tubaka na balongoki na yandi nde: “Beto kwenda na kisika ya nkaka . . . sambu mono kwenda kulonga mpi kuna. Sambu yo kele mambu ya mono kwisilaka.”​—⁠Mar. 1:⁠38.

³ Na nima ya kupesa balongoki na yandi formasio, Yezu kutindaka bo ti bantuma yai ya sikisiki: “Beno kwenda kulonga bantu nde: ‘Kimfumu ya Nzambi me kuma penepene!’ ” (Mat. 10:⁠7) Yandi longaka balongoki na yandi nde mambote ya Kimfumu fwete baka kisika ya ntete na luzingu na bo. (Mat. 6:33) Bangogo ya nsuka yina Yezu kusongaka balongoki na yandi na ntwala nde yandi kwenda na zulu kumonisaka bo pwelele mambu ya bo fwete sala. Yandi tubaka nde: “Yo yina, beno kwenda kukumisa bantu yonso balonguki na mono.”​—⁠Mat. 28:⁠19.

⁴ Mfunu ya Kimfumu: Disolo ya mfunu yina Yezu vandaka kutubila mingi kuvandaka Kimfumu ya Nzambi, mpi yandi longisilaka balongoki na yandi na kulanda mbandu na yandi. Bikesa yina bantu kesala sambu na kuyidika makambu ya bantu lenda nunga ve. (Yer. 10:23) Kimfumu ya Nzambi mpamba tasantisa zina ya Nzambi mpi tamanisa kimakulu mambu ya bantu. (Mat. 6:​9, 10) Kulonga bakyeleka ya Kimfumu na bantu yina “ke mona mpasi ti kudila sambu na mambu yonso ya nsoni yina ke luta” kesadisaka bo na kuzinga luzingu mosi ya kyese mpi ya mbote ntangu yai, mpi na kukangama ngolo na kivuvu ya bo lenda tudila ntima sambu na bilumbu kekwisa.​—⁠Ezek. 9:⁠4.

⁵ Yezu kelanda na kupesa maboko na kisalu ya kusamuna nsangu ya mbote ya Kimfumu ya Nzambi, mpi yandi kesila na kusadisa beto. (Mat. 28:20) Na nki kiteso kisalu na beto ya kusamuna kewakana ti mbandu yina Yezu mebikilaka beto? (1 Pie. 2:21) Na bilumbu yai ya nsuka mpi ya mfunu mingi, bika nde beto sala mambu yonso ya beto lenda sala sambu na kulanda mbotembote mbandu ya Yezu mebikilaka beto na kisalu ya kusamuna!