Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Nov. 15

“Beto yonso kezolaka kuvanda ti luzingu mosi ya kyese mpi ya mbote. Keti nge kendima mambu ya Yezu kutubaka awa sambu na yina metala mutindu ya kuzwa kyese? [Tanga Matayo 5:⁠3. Na nima, bika muntu yango kupesa mvutu.] Zulunalu yai ketendula mutindu mpusa ya ngolo ya kusambila Nzambi, yina beto kebutukaka ti yo, kepesaka ntendula na luzingu na beto.”

Réveillez-vous! Nov.

“Na ntangu na beto yai ya siansi keyela mpi ya ntembe kekuma mingi, bantu mingi keyindula nde Biblia memanaka ngala. Inki nge keyindula sambu na dyambu yai? [Bika muntu yango kupesa mvutu.] Keti nge kezabaka nde mambu yonso yina kele na Biblia ya ketubila siansi kele ya kyeleka? [Tanga Yobi 26:⁠7.] Nimero ya Réveillez-vous ! yai ya sipesiali kepesa bikuma ya kendimisa sambu na nki beto lenda tula ntima na Biblia.”

Nzozulu ya Nkengi Des. 1

“Inki mvutu nge tapesa na ngyufula yai? [Tanga ngyufula yina kele na lutiti ya zulu. Na nima bika muntu yango kupesa mvutu.] Nzambi kele ti lukanu ya kuvukisa bantu na bumosi. [Tanga Nkunga 46:​9, 10.] Zulunalu yai kemonisa mambu ya Biblia ketuba na yina metala mutindu bumosi yango tasalama.”

Réveillez-vous! Des.

“Bantu mingi keyindulaka nde lufwa kele nzila ya kenataka na luzingu mosi ya kele na nima ya lufwa; bankaka keyindulaka nde yo kele nsuka. Keti nge keyindulaka nde lufwa kele kima mosi ya beto fwete tina? [Bika muntu yango kupesa mvutu.] Tala mutindu Yobi vandaka kuyindula sambu na yina metala kilumbu ya lufwa na yandi. [Yobi 14:​14, 15.] Zulunalu yai kepesa ntendula ya pwelele yina Biblia kepesa sambu na yina metala mambu ya kekuminaka beto ntangu beto kefwaka.”