Manaka Sambu na Mposo ya Oktobri 11
MPOSO YA KEBANDA NA OKTOBRI 11
□ Kulonguka ya Biblia ya Dibundu:
□ Nzo-Nkanda ya Kisalu ya Teokrasi:
Lutangu ya Biblia: 1 Bansangu 5-7
No. 1: 1 Bansangu 6:31-47
No. 2: Keti Bambangi ya Yehowa Kele Kadibundu, mpi Nki Ntangu Dibundu na Bo Kuyantikaka? (rs-F lut. 396 ¶4–lut. 397 ¶4)
No. 3: Inki Mutindu Bantu ya Kukonda Kukuka Lenda Vanda Bantu ya Santu? (1 Pie. 1:16)
□ Lukutakanu ya Kisalu:
Min. 5: Baluzayisu.
Min. 10: Inki Mutindu Nge Fwete Pesa Mvutu? Disolo ya mekatuka na mukanda Nzo-Nkanda ya Kisalu, lutiti 69, baparagrafe 1-5. Sadisa nsonga ya kemonisa mupasudi-nzila mosi ya kepesa mvutu na longoki mosi ya Biblia yina fwete baka desizio ya ketadila yandi mosi. Longoki keyula nde, “Inki nge zolaka kusala kana nge vandaka na kisika na munu?”
Min. 10: Bunkete ya Kinsuni Kepesaka Nzambi Lukumu. Disolo ya mekatuka na mukanda Beto Mevukana, lutiti 137, paragrafe 1, tii na lutiti 138, paragrafe 2. Lomba bawi na kutuba nki mutindu kulwata ya bunkete, ya mbote, mpi ya kukonda mindondo ya Bambangi ya Yehowa kubendaka bo na kyeleka.
Min. 10: “Kutina Boma Ve.” Disolo na bangyufula mpi bamvutu.