Keti Nge Fwete Zenga Nswalu?

Bansamuni ya nkaka, ntangu bo ke basikaka na kisalu ya kusamuna, bo ke vandaka na kikalulu ya kuzenga kisalu na ntangu mosi buna, mbala yankaka na midi. Ya kieleka, mambu ya luzingu ya bantu ya nkaka lenda sala nde bo zenga kisalu ya kusamuna na ntangu mosi ya siki-siki. Kansi, keti nge ke zengaka kisalu ya kusamuna na ntangu mosi buna, kaka sambu bantu ya kimvuka na beno ke salaka yo to sambu yo kele kikalulu ya teritware na beno? Keti nge lenda lutisa mwa ntangu mingi na kisalu ya kusamuna mpi kuta kimbangi na mabaku ya nkaka, mu mbandu na babala-bala? Keti nge lenda tala diaka muntu mosi to bantu zole na ntangu nge ke vutuka na nzo? Yindula mambu ya mbote yina nge ta sala kana nge kutana diaka ti muntu mosi ya kumonisaka mpusa to kana nge pesa ata zulunalu mosi na muntu ya ke luta! Kulutisa mwa ntangu mingi na kisalu ya kusamuna mpi kusosa ve kuzenga nswalu kele mutindu mosi ya mbote ya kupesa Nzambi ‘bimenga mingi ya lukumu.’—Baeb. 13:15.