Keti Nge Ke Talaka Tablo ya Bansangu Mbala na Mbala?

Bankuluntu, bansadi ya kisalu, mpi bampangi yina kele na mikumba na dibundu ke talaka tablo ya bansangu mbala na mbala sambu na kuzaba kilumbu yina bo kele na mukumba. Kansi bampangi yonso ya dibundu ta kuta mpi bansangu ya mfunu kuna. Keti nge me zaba kilumbu na beno ya kutula bunkete na Nzo ya Kimfumu? Keti nkengi ya nziunga to biro ya filiale tindaka mukanda ya mfunu na dibundu? Keti nge ke zaba ntu-diambu ya diskure ya mposo yai, mpidina nge lenda bingisa longoki na nge ya Biblia? Keti bo me salaka bansoba na manaka ya balukutakanu ya dibundu to ya kimvuka na beno ya kisalu ya bilanga? Bo ke pesaka diaka ve bansangu mingi ya mutindu yai na balukutakanu, mpi bankuluntu ta kuka ve kuzabisa yo na konso nsamuni. Yo yina, beto fwete talaka tablo ya bansangu mbala na mbala. Kana beto kele ti kikalulu ya kutalaka tablo ya bansangu, mambu yonso lenda salama na “mutindu ya mbote mpi na ndonga.”—1 Bak. 14:40.