Balusakumunu Sambu na Bantu Yina Ke Sadisaka Bantu ya Nkaka

Na ntoto ya mvimba, bantu mingi kele ti mfunu ya madia mpi banzo. Bantu ya nkaka kele kaka ti mfunu ya kuzaba mambu yina ta salama na bilumbu ke kwisa. Nzambi ke zola nde beto sadisa bantu ya nkaka mpi yandi ta sakumuna beto kana beto sala mpidina.

MAMBU YINA MASONUKU YA SANTU KE TUBAKA

“Muntu yina ke monisila muntu ya kukonda mfunu ntima ya mbote ke defisa Yehowa, mpi Nzambi ta futa yandi sambu na mambu yina yandi ke sala.”—Bingana 19:17.

KUSADISA MUNTU YA NKAKA KE TENDULA NKI?

Yezu pesaka mbandu ya muntu yina bamiyibi bulaka mpi bikaka pene-pene ya lufwa. (Luka 10:29-37) Ntangu munzenza mosi monaka yandi, yandi telamaka mpi kangaka bamputa na yandi. Yandi sadisaka muntu yina kukonda kutadila kisika yina muntu yango ke zingaka.

Muntu yai ya mbote sukaka ve kaka na kusansa bamputa ya muntu yina, kansi yandi pesaka mpi muntu yango kikesa.

Mbandu yai ke longa beto nki? Yezu monisaka nde beto fwete sadisa bantu yina kele ti mfunu ya lusadisu na konso mutindu yina. (Bingana 14:31) Masonuku ya Santu ke tuba nde ntama mingi ve Nzambi ta manisa kinsukami mpi bampasi. Beto lenda kudiyula nde nki mutindu mpi nki ntangu Nzambi ta sala yo? Disolo yina ke landa ta tubila balusakumunu yina Ngangi na nge ya zola me bumbilaka nge.