Inki Mutindu Nge Lenda Kuma Longoki ya Mbote ya Biblia?

Keti nge ta zola kubikala ya kwikama bonso Daniele ata bo ke bangika nge? Daniele vandaka kulonguka mbote-mbote Ndinga ya Nzambi, yo vanda bambikudulu yina vandaka mpasi. (Dan 9:2) Kulonguka Biblia mbote-mbote lenda sadisa nge na kubikala ya kwikama. Inki mutindu? Yo lenda kumisa lukwikilu na nge ngolo na balusilu ya Yehowa mpi kutula kivuvu nde yo ta lungana. (Yoz 23:14) Yo ta sadisa nge mpi na kuyedisa zola na nge sambu na Nzambi mpi zola yina ta pusa nge na kusala mambu ya mbote. (Nk 97:10) Kansi na wapi nge fwete yantika? Beto tadila bangindu yai ke landa.

• Inki Mono Fwete Longuka? Kuyidika balukutakanu kele mosi ya bikalulu ya mbote ya kulonguka. Kutanga Biblia konso mposo ta natila nge mambote kana nge ke baka ntangu ya kusala bansosa na mambu yina nge ke bakisa ve. Bantu ya nkaka ke zolaka mpi kulonguka mingi bambikudulu ya Biblia, bikalulu ya mbuma ya mpeve ya Nzambi, banzietelo ya ntumwa Polo ntangu yandi vandaka misionere, to bima yina Yehowa me salaka. Kana ngiufula mosi me kwisila nge na ntu, sonika yo sambu yo vanda ntu-diambu ya kulonguka na nge na mbala ya nima.

• Na wapi mono lenda zwa bansangu? Sambu na kuzaba kisika nge lenda zwa mwa bansangu, tala video Bisadilu Sambu na Kuzwa Bimvwama ya Kimpeve. Sambu na kutala kana nge me zaba, sala bansosa sambu na kuzaba bansi yina yalaka mpi ya ke yala ntoto ya mvimba bubu yai. Mukanda ya Daniele kapu 7 ke monisaka yo na nzila ya bambisi.

• Mono fwete lutisa bantangu ikwa na kulonguka? Sambu na kuvanda ti kimpeve ya mbote, nge fwete longukaka mbala na mbala. Na luyantiku nge lenda sala ntangu fioti, mpi malembe-malembe nge ta kuma kusala bantangu mingi. Kulonguka Ndinga ya Nzambi kele bonso kusosa bimvwama yina me bumbanaka; kana nge ke zwa bimvwama mingi, yo ta pesa nge mpusa ya kulanda kusosa bimvwama ya nkaka. (Bin 2:3-6) Mpusa na nge ya kulonguka Ndinga ya Nzambi, mpi kulonguka yo mbala na mbala ta landa kuvanda kikalulu na nge.—1Pi 2:2.

BAMBISI YINA KELE NA DANIELE KAPU 7 KE MONISA INKI?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

NGIUFULA YA NKAKA:

Inki mutindu Daniele 7:8, 24 lunganaka?

DEVWARE YA NKAKA:

Bambisi yina kele na Kusonga kapu 13 ke monisa inki?