Keti Yezu Kele Nzambi Nkwa-Ngolo Yonso?

Mvutu ya Biblia

Bambeni ya Yezu kusilaka yandi makambu nde yandi vandaka kudikumnisa kiteso mosi ti Nzambi. (Yoane 5:18; 10:30-33) Kansi Yezu me tubaka ve ata kilumbu mosi nde yandi kele kiteso mosi ti Nzambi Nkwa-Ngolo Yonso. Yandi tubaka nde: “Tata kele nene kuluta mono.”—Yoane 14:28.

Balongoki ya ntete-ntete ya Yezu vandaka kubaka yandi ve kiteso mosi ti Nzambi Nkwa-Ngolo Yonso. Mu mbandu, ntumwa Polo sonikaka nde ntangu Yezu futumukaka, Nzambi “tombulaka yandi [Yezu] na kisika mosi ya kunanguka.” Mambu yai Polo sonikaka ke monisa nde yandi vandaka ve kubaka Yezu bonso Nzambi Nkwa-Ngolo Yonso. Kana yo vandaka ve mutindu yina, inki mutindu Nzambi lendaka kutombula Yezu na kisika mosi ya kunanguka? —Bafilipi 2:9.