LANDA MPUSA
DILONGI 9
Kuditula na Kisika ya Muwi
Munsiku: “Beno vanda na kiese ti bantu yina kele na kiese; beno dila ti bantu yina ke dila.”—Bar. 12:15.
Mambu ya Yezu Salaka
1. Tala VIDEO, to tanga Marko 6:30-34. Na nima, tadila bangiufula yai:
Sambu na nki Yezu ti bantumwa na yandi zolaka ‘kuvanda kaka bo mosi’?
Inki pusaka Yezu na kulonga kimvuka yina ya bantu?
Mbandu ya Yezu Ke Longa Beto Inki?
2. Kuditula na kisika ya bantu ya nkaka ke pusaka beto na kutudila bo dikebi mpi na kulonga bo nsangu ya mbote.
Landa Mbandu ya Yezu
3. Widikila na dikebi. Bikila muntu ntangu ya kutuba. Kuzenga yandi ve ndinga to kusala ve kima ya ta monisa nde nge ke tula ve dikebi na mawi na yandi, na mambu ya ke yangisa yandi, to na mambu yina yandi ke basisila ntembe. Kana nge ke widikila yandi na dikebi, nge ta monisa nde nge ke tula dikebi na mambu yina yandi ke yindula.
4. Yindula muntu yina monisaka mpusa. Na nsadisa ya masolo yina nge solulaka ti yandi, kudiyula nde:
‘Sambu na nki yandi ke zola kuwa kieleka?’
‘Inki mutindu kulonguka Biblia ta sadisa yandi na luzingu na yandi ya konso kilumbu mpi na kuzinga mbote kuluta na bilumbu ke kwisa?’
5. Tubila mambu ya lenda sadisa yandi. Kaka ntangu ya beno me yantika, monisa yandi mutindu kulonguka Biblia lenda pesa mvutu na bangiufula na yandi mpi lenda pesa yandi lusadisu ya yandi kele ti yo mfunu.