Inki Nge ke Yindula?

Keti Biblia lenda sadisa nge na kukuma nduku ya Nzambi?

BANTU YA NKAKA KE KWIKILAKA NDE . . .

bo lenda kuma ve banduku ya Nzambi sambu bo kele ve bunkete to sambu bo kele bantu ya masumu. Bankaka ke tubaka nde Nzambi ke kudiyangisaka ve sambu na beto. Inki nge ke yindula?

MAMBU YINA BIBLIA KE TUBAKA

Nzambi “ke taka kinduku ya ngolo ti bantu ya mbote.” (Bingana 3:32) Beto lenda kuma banduku ya Nzambi kana beto ke lemfukila yandi.

INKI MAMBU YA NKAKA BETO LENDA LONGUKA NA BIBLIA?

Nzambi ke zolaka kukuma nduku na beto.—Yakobo 4:8.
Sambu Nzambi kele nduku na beto, yandi kele ya kuyilama sambu na kusadisa mpi kulolula beto.—Nkunga 86:5.
Banduku ya Nzambi ke zolaka mambu yina yandi ke zolaka mpi bo ke mengaka mambu yina yandi ke mengaka.—Baroma 12:9.

Sambu na kuzaba mambu mingi ya me tala mutindu nge lenda zinga na mutindu yina ke sepedisa Nzambi, tala kapu 12 ya mukanda Inki Biblia Ke Longa Beto? yina Bambangi ya Yehowa me basisaka. Yo kele mpi na www.jw.org