Bamvutu na Bangyufula na Beno

◼ Keti yo kele mbote na kusonika adresi na beto ya e-mail na zulu ya mikanda yina beto kekabula?

Bansamuni yankaka kesonikaka adresi na bo ya e-mail na kashe to na papie mosi buna, mpi bo ketulaka yo na zulu ya bazulunalu to batrakiti yina beto kekabulaka na bantu. Ebuna, yo kesadisaka bantu yina kendimaka mikanda na kusonikila bansamuni yango sambu na kuyula bansangu yankaka. Bikesa yina bampangi yai kesala sambu na kusadisa bantu yina kusepelaka kemonisa nde bo kele na mabanza ya mbote. Kansi, site ya Internet ya la Société kevandaka dezia ya kusonika na lutiti ya nsuka ya bazulunalu mpi ya batrakiti. Yo yina, yo kele mbote ve nde beto sonika adresi na beto ya e-mail na zulu ya mikanda ya beto kekabula.

Kana nsamuni mosi kusonika adresi na yandi na papie mpi kupesa yo nzila mosi ti mikanda ya beto kekabula, mingimingi na ntangu ya mvutukilu, yo kele desizio na yandi mosi. Beto fwete vanda bantu ya ntete ya kevutukila bantu yina kumonisaka mpusa, na kisika ya kubikila bo mukumba ya kusosa beto sambu na kubaka bansangu yankaka. Dikebi ya masonga kemonanaka kukonda mpasi na ntangu nge kesolula ti muntu meso na meso.