Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Aug. 1

“Keti nge kendima nde kulemfuka na ntuma yai ya Yezu tasala nde kyese kuvanda mingi na kati ya dibuta? [Tanga Yoane 13:34. Bika muntu yango kupesa mvutu.] Disolo yai kemonisa mutindu malongi mpi mbandu ya Yezu ketadila konso muntu na kati ya dibuta.” Tubila disolo yina kele na lutiti 16 mpi 17.

Réveillez-vous! Aug.

“Keti nge keyindula nde baluyalu ya bantu tanunga na kumanisa dyambu ya metala mwini ya mingi yina kele na nsi-ntoto ya mvimba? [Bika muntu yango kupesa mvutu. Na nima tanga Yeremia 10:23.] Disolo yai tasepedisa nge. Yo ketubila mutindu Nzambi tamanisa mambu yina ketula ntoto na beto na kigonsa.”

Nzozulu ya Nkengi Sept. 1

“Bantu mingi mezaba mbote bangogo ya Yezu yina kele na Matayo 6:⁠9. [Tanga.] Ata mpidina, bo kemonaka nde yo kele mpasi na kukwenda penepene na Nzambi bonso na Tata mosi. Nge keyindula nde beto lenda kwenda penepene na Nzambi nki mutindu? [Bika muntu yango kupesa mvutu.] Zulunalu yai ketubila bikalulu mingi ya Tata na beto yina kele na zulu, mpi mutindu beto lenda zaba yandi mpenza.”

Réveillez-vous! Sept.

“Banda bamvu-nkama mingi, bantu ketubilaka dibanza ya luzingu na nima ya lufwa. Inki kele dibanza na nge? [Bika muntu yango kupesa mvutu.] Tala lukwikilu yina Yobi kumonisaka. [Tanga Yobi 14:​14, 15.] Masolo yai kemonisa dibanza ya Biblia na yina metala luzingu na nima ya lufwa.”