Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yuli 15

“Kufwisa muntu ya beto kezolaka kepesaka mawa ya ngolo mpenza. Keti nge keyindulaka nde kitini mosi ya nitu na bo kelandaka na kuzinga? [Bika muntu yango kupesa mvutu.] Yezu kupesaka lusilu yai ya kepesa kikesa. [Tanga Yoane 5:​28, 29.] Sambu Yezu kutubaka nde lufutumuku tasalama na bilumbu “ke kwisa,” zulunalu yai ketendula na nsadisa ya Biblia kisika yina bafwa kele ntangu yai.”

Réveillez-vous! Yuli

“Bantu mingi kesalaka yonso sambu na kuzinga luzingu mosi ya mbote kibeni mpi bo keyindulaka nde yo kele mfunu na kuvanda muntu ya mbote. Keti nge mpi ketadilaka luzingu mutindu yina? [Bika muntu yango kupesa mvutu.] Tala kigonsa yina lenda vanda kana mutindu na beto ya kutendula mambu ya mbote meswaswana ti yina ya Nzambi. [Tanga Bingana 14:12.] Disolo yai kemonisa ntendula ya kuvanda muntu ya mbote na meso ya Nzambi.” Tubila disolo yina meyantika na lutiti 20.

Nzozulu ya Nkengi Aug.1

“Mu kezola kuzaba dibanza na nge na dyambu mosi ya Yezu kutubaka. [Tanga Matayo 5:​3, NW.] Keti nge keyindula nde kimpeve kele mfunu sambu na kuvanda na kyese? [Bika muntu yango kupesa mvutu.] Zulunalu yai kemonisa mambu ya Biblia ketuba na yina metala kimpeve ya kyeleka mpi mutindu beto lenda zwa yo.”

Réveillez-vous! Aug.

“Inki kisika nge keyindula nde bibuti lenda zwa bandongisila yina lenda sadisa bo mpenza? [Bika muntu yango kupesa mvutu.] Tala lusilu yai ya kele na Biblia. [Tanga 2 Timoteo 3:16.] Zulunalu yai kemonisa nde Biblia lenda sadisa mpenza bibuti na kusansa bana yina tavanda na kyese.”