Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Sept. 1

“Nge keyindula nde nki kisika beto lenda baka bandongisila ya mbote ntangu beto kezola kubaka badesizio ya mfunu? [Bika muntu yango kupesa mvutu. Tanga Bingana 3:​5, 6.] Disolo yai kemonisa mayele ya kekatuka na Nzambi ya kutadila ntete malanda ya dyambu mosi na ntwala ya kubaka desizio.” Tubila disolo ya kele na lutiti 8.

Réveillez-vous! Sept.

“Keti nge keyindula nde lukanu ya Nzambi kuvandaka nde bantu kumona mpasi ya kukonda madya yina kenyokula bantu na nsi-ntoto bubu yai? [Bika muntu yango kupesa mvutu.] Tala lukanu na yandi sambu na kumanisa dyambu yai. [Tanga Nkunga 72:16.] Disolo yai ketendula mutindu Nzambi tavutula Paladisu na ntoto.” Tubila disolo ya kele na lutiti 8.

Nzozulu ya Nkengi Okt. 1

“Na bantangu yai ya mpasi, bantu mingi kekudiyangisa sambu na makwisa. Inki kesadisaka nge na kuvanda ti mabanza ya mbote? [Bika muntu yango kupesa mvutu.] Tala lusilu yai ya Biblia. [Tanga Yezaya 65:17.] Zulunalu yai kepesa bikuma ya mfunu ya kutadila makwisa ti mabanza ya mbote.”

Réveillez-vous! Okt.

“Internet kele kisadilu mosi ya mbote, kansi yo kele ti bigonsa sambu na bana. Nge keyindula nde beto lenda tanina bo nki mutindu? [Bika muntu yango kupesa mvutu.] Tala ngindu yai. [Tanga mpi tendula Bingana 18:⁠1.] Yai kele munsiku mosi na kati ya minsiku sambanu ya Biblia yina disolo yai ketubila sambu na kusadisa bibuti na kutanina bana na bo.” Tubila disolo ya kele na lutiti 7.