Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Sept. 15

“Mu kezola kuzaba dibanza na nge na mambu verse yai ketuba. [Tanga Kulonga 32:⁠4.] Keti nge me kudiyulaka dezia nde, kana Nzambi kele lunungu mpi nkwa-ngolo yonso sambu na nki bampasi ti mambi kele mingi na nsi-ntoto? [Bika muntu yango kupesa mvutu.] Zulunalu yai ketendula sambu na nki Nzambi mepesaka nzila nde mambi kulanda kuvanda tii bubu yai.”

Réveillez-vous! Sept.

“Beto yonso kezolaka kuvanda ti mavimpi mpi luzingu mosi ya nda. Keti nge keyindula nde kulanda kuvanda ti mabanza ya mbote lenda tomisa mavimpi na beto? [Bika muntu yango kupesa mvutu. Na nima tanga Bingana 17:22.] Disolo yai ketubila sambu na nki yo kele mbote na kuyedisa mabanza ya mbote.” Tubila disolo yina kele na lutiti 26.

Nzozulu ya Nkengi Okt. 1

“Keti nge me kuditubilaka dezia nde, ‘Yo lombaka nde mu sala mambu mutindu yai ve!’? [Bika muntu yango kupesa mvutu.] Tala mambu verse yai ketuba sambu na kikuma yina beto yonso kebakaka bantangu yankaka balukanu yina beto kebokutaka na nima. [Tanga Yeremia 10:23.] Zulunalu yai ketendula mutindu bandongisila yina kele na Biblia kesadisaka beto na kubaka balukanu ya mbote.”

Réveillez-vous! Okt.

“Keti nge keyindula nde bana kele na kigonsa mingi bubu yai kuluta na ntangu ya ntama? [Bika muntu yango kupesa mvutu.] Bantu mingi keyindula nde beto kezinga na nsungi ya ntangu yina bo ketubila awa. [Tanga 2 Timoteo 3:​1-5.] Zulunalu yai kepesa mwa bandongisila na mutindu bibuti lenda tanina bana na bo na bantu yina kevukisaka nitu ti bana na kingolongolo.”