Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Mayi 1

Tanga Matayo 24:⁠3. Na nima tuba nde: “Bantu yankaka keyindulaka nde ngyufula yai ketadila nsuka ya ntoto yai. Keti nge keyindula nde ntoto tafwa? [Bika muntu yango kupesa mvutu.] Mvutu ya Yezu kezabisa beto kima yina beto fwete vingila​—⁠nsuka ya ntoto ve, kansi nsuka ya kima yankaka. Disolo yina kele na lutiti 16 ketubila dyambu yai na bunda.”

Réveillez-vous! Mayi

“Bamfumu yankaka ya mabundu kelongaka nde kana beto kesepedisa Nzambi, yandi tapesa beto kimvwama ya kinsuni. Kansi, ziku nge mezaba bantu ya mbote yina kele bansukami. Keti nge keyindula nde Nzambi kezolaka nde beto vanda bamvwama? [Bika muntu yango kupesa mvutu. Na nima, tanga Baebreo 13:⁠5.] Disolo yai ketendula mutindu Nzambi kesakumunaka beto.” Tubila disolo yina keyantika na lutiti 12.

Nzozulu ya Nkengi Yuni 1

“Bubu yai, bantu mingi kesepelaka na mikanda ya kepesaka bandongisila na yina metala kusansa mwana, zola, mpi kulungisa bampusa ya muntu. Keti yo mesadisaka nge mpenza? [Bika muntu yango kupesa mvutu.] Bantu mingi kevilaka nto yai ya kele ti bandongisila ya beto lenda tudila ntima. [Tanga 2 Timoteo 3:16.] Zulunalu yai ketendula sambu na nki beto lenda tula ntima na Biblia mpi yo kepesa bambandu ya bandongisila ya mbote yina kele na kati na yo.”

Réveillez-vous! Yuni

“Mutindu nge mezaba, bantu kepesaka bangindu ya kuswaswana na yina metala kana yo kele mbote to mbi na kubasisa divumu. Keti nge keyindula nde Biblia lenda sadisa muntu na kuzaba desizio ya yandi fwete baka? [Bika muntu yango kupesa mvutu. Na nima tanga 2 Timoteo 3:​16, 17.] Zulunalu yai kemonisa mambu yina Biblia ketuba na dyambu yai.”