Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Oktobri 1

“Bubu yai bantu mingi ketulaka dyaka ve ntima na Ngangi. Sambu na nki nge keyindula nde yo kele mutindu yina? [Bika muntu yango kupesa mvutu.] Baverse yai kepesa kikuma mosi ya lenda pusa bo na kuyindula mutindu yina. [Tanga Habakuki 1:​2, 3.] Disolo yai kesadisa na kuyidika mwa bangyufula ya metala Nzambi yina mepusaka bantu na kuyambula kutudila yandi ntima.” Tubila disolo yina keyantika na lutiti 11.

Réveillez-vous! Oktobri

“Keti nge kendima nde mabuta kekutana ti bampasi mingi bubu yai? [Bika muntu yango kupesa mvutu.] Bamingi mezaba ve bandongisila ya mbote yina kele na Biblia. Yai kele mbandu mosi. [Tanga verse mosi ya kele na periodike yango.] Nimero yai ya sipesiali ya Réveillez-vous ! kemonisa mutindu minsiku ya Biblia lenda sadisa mabuta na kununga kunwana ti bampasi ya mutindu na mutindu.”

Nzozulu ya Nkengi Novembri 1

“Keti nge keyindula nde mambu yonso ya bo kelongaka na banzo-Nzambi kekatukaka na Biblia? [Bika muntu yango kupesa mvutu.] Biblia kelomba beto na kuvanda mayele sambu bo kusa beto ve na mambu ya luvunu. [Tanga Kolosai 2:⁠8.] Zulunalu yai ketungulula malongi sambanu ya ntama yina kewakana ve ti Ndinga ya Nzambi.”

Réveillez-vous! Novembri

“Bisadilu bonso telefone mpi ordinatere mekumaka bima ya beto kesadilaka konso kilumbu. Sambu na nge, kusadila teknolozi kesadisaka na kubumba ntangu to na kubebisa yo? [Bika muntu yango kupesa mvutu.] Bantu mingi tandima nsyamisa yai ya kelomba beto na kusadila ntangu na mayele yonso. [Tanga Efezo 5:​15, 16.] Zulunalu yai ketubila mutindu beto lenda sadila teknolozi na bukatikati mpi na mutindu ya mbote.”