Keti nge tayantika kulonguka Biblia ti muntu na Oktobri?
1 Mikanda ya kukabula sambu na Oktobri kele Nzozulu ya Nkengi mpi Réveillez-vous ! Sambu na kuyedisa mpusa, bo kesyamisa beto na kupesa trakiti Keti Nge Tazola Kuzaba Kyeleka? mpi kusala bikesa sambu na kuyantika kulonguka Biblia ti bantu. Inki mutindu beto lenda sala yo na mvutukila ya mpa?
2 Mutindu ya Kusadila Trakiti: : Beto lenda tuba nde: “Zulunalu yina ya mono bikilaka nge kesyamisa bantu ya bisika yonso mpi ya mabundu yonso na kulonguka Biblia. [Pesa muwi trakiti Kuzaba Kyeleka? mpi songa yandi bangyufula yina kele na lutiti ya ntete.] Trakiti yai kele ti mwa bangyufula ya kebenda dikebi yina Biblia kepesaka bamvutu ya kesepedisa. Keti nge mekudiyula dezia mosi ya bangyufula yai?” Na nima ya kuwidikila mvutu ya muwi, beno tadila kumosi mvutu mosi ya yandi mepesa na bangyufula yina kele na trakiti, mpi tanga verse mosi ya bo mevutukila ve bangogo na yo. Ebuna tendula nde, yai kele kaka mwa ndambu ya mambu yina Biblia kelongaka, mpi pesa yandi mukanda Biblia kelongaka. Na nima, beto lenda longuka baparagrafe ya ntete ya kapu yina yandi ponaka na tansi ya malongi. To beto lenda pona na kutala kisika yina kele ti malongi mingi ya metala disolo yina beto tubilaka na trakiti. Yai kele mwa bareferense yina beto lenda sadila:
● Keti Nzambi kekudibanzaka mpenza sambu na beto? (balut. 9-11, bapar. 6-10)
● Keti kilumbu kele bitumba ti bampasi tasuka? (lut. 12, bapar. 12-13)
● Inki kekuminaka beto kana beto mefwa? (balut. 59-60, bapar. 7-8)
● Keti kivuvu kele sambu na bafwa? (lut. 71, bapar. 13-15)
● Inki mutindu mu lenda samba Nzambi mpi yandi kuwidikila munu? (balut. 166-167, bapar. 5-8)
● Inki mutindu mu lenda zwa kyese ya kyeleka na luzingu? (lut. 9, bapar. 4-5)
3 Ya kyeleka, kana mambu ya luzingu kepesa beto ve nzila ya kuyantika kulonguka ti muntu mpi kumonisa yandi mutindu beto kelongukaka mukanda Biblia Kelongaka na mvutukilu ya ntete, beto lenda baka ntangu yonso bangidika sambu na kuvutukila muntu yango mpi kulanda disolo na beto. Dyaka na kutadila bampusa ya muntu, beto lenda pona ata na kusolula mambu mingi kuluta kupesa mvutu na ngyufula mosi ya kele na trakiti ntangu beto kesala bamvutukila mingi na ntwala ya kuyantika kulonguka mukanda. Bika beto sadila mbote trakiti yai ya mfunu na Oktobri sambu na kuyantika kulonguka Biblia ti bantu mpi kusadisa bantu ya ntima-masonga na ‘kuzaba kyeleka.’—Yoa. 8:31, 32.
[Bangiufula ya Kulonguka]
1. Inki mikanda beto takabula na Oktobri?
2. Inki mutindu beto lenda sadila trakiti Kuzaba Kyeleka sambu na kuyantika kulonguka Biblia ti muntu ntangu beto kevutukila muntu yina kundimaka bazulunalu?
3. Inki mutindu beto lenda soba mitindu na beto ya kuyantika masolo na kutadila mambu ya luzingu na beto?