Beto Tatadila Dyaka Ve Mukapu ya Lumbu na Balukutakanu Sambu na Kisalu ya Bilanga

Na bilumbu meluta, na balukutakanu sambu na kisalu ya bilanga, beto vandaka kusadila kapu ya lumbu na bunkufi kana yo kewakana ti kisalu ya kusamuna. Beto mesoba dyambu yai. Beto fwete sadila dyaka ve kamukanda Beto Fimpa Masonuku Konso Kilumbu sambu na kutwadisa balukutakanu ya kisalu ya bilanga. Bonso na ntwala, bantwadisi lenda sadila Biblia, Kisalu na Beto ya Kimfumu, mukanda Nzo-Nkanda ya Kisalu, mukanda Comment raisonner mpi malongi yankaka yina ketubilaka kisalu ya kusamuna. Bantu yina bo mepona sambu na kutwadisa lukutakanu fwete kudibongisa sambu na kutubila dibanza ya mfunu yina tasadisa bampangi ya kekwenda na kisalu ya kusamuna kilumbu yina. Bonso na bilumbu ya meluta, lukutakanu yai fwete luta ve minuta 10 to 15 mpi yo fwete vanda nkufi kibeni kana yo kesalama na nima ya lukutakanu mosi ya dibundu.