Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka Biblia ti Muntu na Sabala ya Ntete ya Ngonda ya Desembri

“Mu keyindula nde nge kendimaka nde konso muntu kele ti mfunu ya banduku. Inki kikalulu nge kezolaka mingi kibeni nde nduku kuvanda ti yo? [Bika muntu yango kupesa mvutu.] Tala mambu zulunalu yai ketuba sambu na kikuma yina beto fwete pona banduku mbote-mbote.” Pesa muwi kopi mosi ya Nzozulu ya Nkengi ya Desembri 1; beno tanga mpi beno tubila kumosi mambu yina kele na nsi ya kantu-dyambu ya lutiti 16. Tanga ata verse mosi. Pesa yandi bazulunalu, mpi beno wakana sambu na kuzaba kilumbu nge tavutukila yandi sambu na kutadila mvutu na ngyufula ya kelanda.

Nzozulu ya Nkengi Desembri 1

“Keti nge mekudiyulaka dezia sambu na nki bisumbula ya lugangu kesalama mingi bilumbu yai? [Bika muntu yango kupesa mvutu.] Kima ya kuyituka kele nde, Biblia tubilaka na ntwala ntangu mosi yina bisumbula tasalamaka mingi. [Tanga Matayo 24:7, 8.] Zulunalu yai kepesa mvutu na bangyufula yai: Sambu na nki bisumbula ya lugangu kesalama mingi bubu yai? Keti yo kele ndola ya Nzambi? Inki bikuma beto kele na yo ya kemonisa nde Nzambi tamanisa bisumbula yonso ya lugangu ntama mingi?

Réveillez-vous ! Desembri

Tanga 2 Timoteo 3:16. Na nima tuba nde: “Bantu mingi kendimaka nde Biblia mepemamaka na Nzambi, kansi bankaka kendimaka ve. Inki nge keyindula? [Bika muntu yango kupesa mvutu.] Ata bantu lenda vanda ti bangindu ya kuswaswana na dyambu yai, bantu, na kimvuka, kendimaka nde kele ve ti mukanda yankaka yina bantu mesalaka bikesa ya mingi mpenza sambu na kufwa yo. Zulunalu yai ketubila bikesa yina bantu salaka na nsungi ya bamvula mingi kibeni sambu na kufwa Biblia mpi kubuyisa bantu yankaka na kutanga yo. Yo ketendula mpi sambu na nki Biblia mefwaka ve.”