Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda Desembri

“Bantu mingi ke vingila kuvutuka ya Yezu. Kana Yezu kuvutuka, inki diambu nge ta zola nde yandi sala?” Bika muntu yango kupesa mvutu. Songa yandi lutiti ya nsuka ya Nzozulu ya Nkengi ya Desembri 1, mpi beno tadila dilongi yina kele na nsi ya ngiufula ya ntete; beno tanga mpi ata verse mosi ya bo me vutukila ve bangogo na yo. Pesa yandi bazulunalu mpi baka bangidika ya kuvutukila yandi sambu na kutadila ngiufula yina ke landa.

Nzozulu ya Nkengi Desembri 1

“Sambu bantu kele ti mambu mingi ya kusala bilumbu yai, yo lenda vanda mpasi na kuyindula Nzambi. Keti nge ke yindula nde beto kele ti mfunu ya Nzambi na luzingu na beto? [Bika muntu yango kupesa mvutu.] Na Disolo na yandi na Zulu ya Ngumba ya me zabanaka mingi, Yezu tubaka nde beto kele ti mfunu ya mambu ya kimpeve sambu na kuvanda na kiese ya kieleka. [Tanga Matayo 5:3.] Zulunalu yai ke tendula bikuma tatu ya ke monisa nde beto kele ti mfunu ya Nzambi.”

Réveillez-vous ! Desembri

“Mabanza ya bantu mingi na kati na beto me simbama na mambu yina beto ke waka mpi ke tangaka na bima yina ke mwangaka bansangu. Keti nge ke yindula nde bansangu yina beto ke waka ke vandaka ya siki-siki mpi ya kieleka? [Bika muntu yango kupesa mvutu.] Biblia ke kebisa beto na kutula ve ntima na mambu yonso ya beto ke waka. [Tanga Yobi 12:1.] Zulunalu yai ke pesa beto mwa bandongisila yina ta sadisa beto na kuzikisa mambu yina beto ke waka mpi ke tangaka.”