Mbandu ya Bangogo ya Kukotila na Masolo

Kuyantika Kulonguka ti Muntu na Sabala ya Ntete ya Ngonda ya Desembri

“Beto me kwisa kutala nge sambu na kusolula mambu ya me tala mabuta. Bibuti mingi ke sepelaka nde bana na bo kuzola Nzambi. Keti nge ke yindula nde bibuti fwete longa bana to bana bo mosi fwete longuka na kuzola Nzambi?” Bika muntu yango kupesa mvutu. Songa yandi lutiti ya nsuka ya Nzozulu ya Nkengi ya Desembri 1 mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Desembri 1

“Beto ke tala bantu mwa ntangu fioti sambu na kuzabisa bo mambu ya me tala Nzambi. Beto ke zaba nde konso muntu ke vandaka ti dibanza na yandi sambu na Nzambi. Keti nge ke yindula nde bantu mingi ke monaka yandi bonso ngolo mosi ya me konda mawi to nduku yina ke kudibanzaka sambu na bo? [Bika muntu yango kupesa mvutu.] Verse yai ke monisa bangwisana yina Nzambi ke zola nde beto sala ti yandi. [Tanga Yakobo 4:8a.] Zulunalu yai ke tendula mambu tatu ya beto lenda sala sambu na kukwenda pene-pene na Nzambi.”

Réveillez-vous ! Desembri

“Beto ke tala bantu mwa ntangu fioti sambu na kutubila maladi ya ke yangisa bantu mingi. Organisation mondiale de la santé ke tuba nde bantu mingi ta niokwama na mabanza na luzingu na bo. Keti nge ke mona mpi nde bantu mingi ke niokwama na mabanza? [Bika muntu yango kupesa mvutu.] Biblia ke pesa beto kivuvu nde maladi mpi bampasi ta vanda diaka ve na ntoto na bilumbu ya ke kwisa. [Tanga Kusonga 21:3, 4.] Zulunalu yai ke tubila mwa mambu yina konso muntu fwete zaba sambu na maladi yai.”