Mbandu ya Bangogo ya Kukotila na Masolo

Kuyantika Kulonguka ti Muntu na Sabala ya Ntete ya Ngonda ya Mayi

“Beto ke tala bantu mwa ntangu fioti sambu na kutadila ngiufula mosi ya ke benda dikebi. [Songa yandi ngiufula ya ntete yina kele na lutiti ya nsuka ya Nzozulu ya Nkengi ya Mayi 1.] Inki kele dibanza na nge?” Bika muntu yango kupesa mvutu. Beno tadila malongi yina kele na nsi ya ngiufula yango mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Mayi 1

“Beto me kwisa kusolula ti nge mwa fioti sambu bantu mingi ke tula dikebi na mambu ya ta salama na bilumbu yina ke kwisa. Inki mutindu nge ke kudiwaka ntangu nge ke yindula bilumbu yina ke kwisa? Keti nge ke vandaka ti kivuvu to nge ke kudiyangisaka? [Bika muntu yango kupesa mvutu. Na nima, tanga verse mosi yina kele na lupangu “Mambu Yina Nzambi Me Tubaka Sambu na Bilumbu Yina Ke Kwisa.”] Zulunalu yai ke tubila mambu ya nkaka yina Nzambi me sila nde yo ta salama mpi yo ke tendula kikuma yina beto fwete tula kivuvu nde mambu yango ta lungana.”

Réveillez-vous ! Mayi

“Beto ke tala bantu mwa ntangu fioti sambu na kusadisa bo na kununga basusi. Keti nge ke mona mpi nde bantu kele na basusi mingi bubu yai kuluta na bilumbu ya me luta? [Bika muntu yango kupesa mvutu.] Bantu mingi me monaka nde bandongisila ya mfunu yina kele na Biblia ke sadisaka bo na kununga basusi. Mbandu mosi yo yai. [Tanga Matayo 6:34.] Zulunalu yai ke tendula mutindu minsiku ya Biblia lenda sadisa beto na kununga mambu iya ya nene yina ke nataka basusi.”

Noti: Zulunalu yai lenda sepedisa bantu ya mumbongo mingi.