Mbandu ya Bangogo ya Kukotila na Masolo

Kuyantika Kulonguka ti Muntu na Sabala ya Ntete ya Ngonda ya Oktobri

“Beto ke tala bamfinangani na beto mwa ntangu fioti sambu na kusolula ti bo mambu ya me tala luyalu ya mbote. Keti nge ke yindula nde kele ti luyalu mosi ya lenda manisa bampasi, mu mbandu, mubulu mpi kukonda lunungu?” Bika muntu yango kupesa mvutu. Yibusa muwi nde na Kisambu ya Mfumu, Yezu longaka balongoki na yandi na kusamba nde luyalu disongidila Kimfumu ya Nzambi, kukwisa. Songa yandi lutiti ya nsuka ya Nzozulu ya Nkengi ya Oktobri 1 mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Oktobri 1

“Beto ke tala bamfinangani na beto mwa ntangu fioti sambu na kusolula ti bo bangogo ya kisambu yina Yezu longaka balongoki na yandi. [Tanga Matayo 6:9, 10.] Keti bo me zabisaka nge dezia mambu ya me tala Kimfumu ya Nzambi? Sambu na nki Yezu tubilaka yo mingi na malongi na yandi? [Bika muntu yango kupesa mvutu.] Zulunalu yai ke monisa mambu yina Biblia ke tubaka sambu na Kimfumu ya Nzambi mpi mambote yina yo ta nata na ntoto.”

Réveillez-vous ! Oktobri

“Beto ke tala bantu mwa ntangu fioti sambu na kusadisa bo na kubaka mvutu na ngiufula yai. [Songa yandi lutiti ya zulu ya zulunalu.] Keti nge ke yindula nde muntu fwete vanda mvwama sambu na kununga na luzingu? [Bika muntu yango kupesa mvutu.] Biblia ke monisa beto mutindu ya mbote ya kutadila bima ya kinsuni. [Tanga Luka 12:15.] Biblia ke monisa nde bantu yonso lenda nunga na luzingu. Zulunalu yai ke tendula mambu yango.”