Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka Biblia ti Muntu na Sabala ya Ntete ya Ngonda ya Oktobri

“Beto ke na kusolula na bunkufi ti bamfinangani na beto bubu yai. Bantu mingi yina beto me solula ti bo ke tuba nde diambu ya kuluta mpasi yina ya bo me kutanaka ti yo kele lufwa ya muntu ya bo ke zolaka mingi. Keti nge mpi ke kudiwaka mutindu yina? [Bika muntu yango kupesa mvutu.] Dibanza yai pesaka mono kikesa mingi.” Songa yandi lutiti ya nsuka ya Nzozulu ya Nkengi ya Oktobri 1 mpi beno tadila dilongi yina kele na nsi ya ngiufula ya ntete; beno tanga mpi ata verse mosi ya bo me vutukila ve bangogo na yo. Pesa yandi bazulunalu mpi baka bangidika ya kuvutukila yandi sambu na kutadila ngiufula yina ke landa.

Nzozulu ya Nkengi Oktobri 1

“Beto ke na kusolula ti bantu na bunkufi sambu na kusiamisa bo na kutanga Biblia. Beto ke zaba nde bantu mingi ke sepelaka na Biblia kansi bankaka ke sepelaka ve. Ebuna nge? [Bika muntu yango kupesa mvutu.] Biblia ke tubilaka dibanza yai pwelele. [Tanga 1 Batesalonika 2:13.] Mono ke yindula nde kana nge ke ndimaka nde Biblia kele mukanda ya me katuka na Nzambi, yo me fwana na kutanga yo. Zulunalu yai ke tubila na bunkufi mambu yina kele na kati ya Biblia mpi kikuma yina yo fwete benda dikebi na beto.”

Réveillez-vous ! Oktobri

“Mono ta zola kuzaba dibanza na nge na ngiufula yai: Keti muntu lenda vanda na kiese ata yandi kele ti bima mingi ve ya kinsuni? [Bika muntu yango kupesa mvutu.] Tala mambu yina Biblia ke tuba. [Tanga 1 Timoteo 6:8.] Zulunalu yai ke monisa mutindu ya mbote ya kutadila bima ya kinsuni mpi ke tubila mambu tatu ya mbalu yina mbongo lenda sumba ve.”