Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Oktobri

“Na bantangu yai ya mpasi, beto yonso kekutanaka ti bampasi yina keyangisaka mabuta. Na ngindu na nge, na wapi beto lenda zwa lutwadisu ya mbote yina tasadisa beto na kuzinga na kyese na dibuta?” Bika muntu yango kupesa mvutu. Na nima, pesa yandi Nzozulu ya Nkengi ya Oktobri 1, mpi beno tadila mambu yina kele na nsi ya ntu-dyambu mosi na kati ya bantu-dyambu yina kele na lutiti 16 ti 17 mpi beno tadila ata verse mosi na kati ya baverse yina bo mevutukila ve bangogo na yo. Pesa yandi bazulunalu, mpi baka bangidika sambu na kuvutukila yandi na mpila nde beno tadila ngyufula mosi na kati ya bangyufula yina yankaka.

Nzozulu ya Nkengi Novembri 1

Songa muwi lutiti ya zulu ya zulunalu, mpi yula yandi nde, “Inki mutindu nge takudiwa kana nge zaba nde mambu ya bo songaka nge sambu na Nzambi kele ya luvunu? [Bika muntu yango kupesa mvutu.] Tala mambu yina Yezu kutubaka sambu na kuswaswanisa kyeleka ti luvunu. [Tanga Yoane 17:17.] Yo yina, kaka Biblia mpamba kezabisa beto kyeleka na yina metala Nzambi. Zulunalu yai ketubila mambu tanu ya luvunu yina bantu mingi ketubaka sambu na Nzambi, mpi yina Biblia kemonisa nde yo kele mutindu yina ve.”

Reveillez-vous ! Oktobri

“Beto ketala mabuta bubu yai sambu na kupesa bo lusadisu yina bo kele na yo mfunu. Na ngindu na nge, nki kele mpasi ya kuluta nene yina bibuti kekutanaka na yo ntangu bo kesansaka bana? [Bika muntu yango kupesa mvutu.] Bibuti mingi kesosaka bandongisila ya Biblia. Mumbandu, bangogo yai ya mayele kevandaka mfunu ntangu bo kelongisilaka bana na bo. [Tanga Efezo 4:31.] Zulunalu yai kemonisa mutindu bandongisila ya Biblia lenda sadisa bibuti na kulonga bana na bo ntangu bo keyela, banda na bumwana tii ntangu bo takuma batoko.”