Kampanye ya Kubingisa Bantu na Lusungiminu Ta Yantika na Marsi 1
1. Inki ntangu kampanye ya kubingisa bantu na Lusungiminu ta yantika, mpi sambu na nki yo ta baka bilumbu mingi na mvula yai?
1 Na Kitanu, Marsi 1, beto ta yantika kampanye yina beto ke salaka konso mvula sambu na kubingisa bantu na Lusungiminu. Lusungiminu ta salama na Marsi 26; yo ke tendula nde kampanye yai ta baka bilumbu mingi kuluta yina me salamaka na bamvula me luta. Yo ta pesa bantu mingi dibaku ya kubaka emvitasio, mingi-mingi kana bo ke zingaka kisika yina dibundu kele ti teritware mosi ya nene mingi.
2. Inki bangidika beto ta sadila sambu na kubaka baemvitasio mpi kukabula yo na teritware?
2 Mutindu ya Kusala Mambu: Bankuluntu ta zabisa dibundu mutindu ya kukabula baemvitasio na teritware, mpi kana bo fwete bika yo na banzo yina bo ta kuta ve bantu. Kana baemvitasio ya nkaka me bikala na nima ya kusala nzo na nzo, beno lenda kabula yo ntangu beno ke ta kimbangi na mabaku ya nkaka. Nkengi na kisalu ta zikisa nde bo me tula baemvitasio yina bikalaka na kisika yina bo ke tulaka mikanda na mpila nde bansamuni kubaka yo; kansi beno fwete tula ve baemvitasio yonso na mbala mosi. Beto fwete baka kaka ntalu ya baemvitasio yina beto ta sadilaka na mposo ya mvimba.
3. Inki beto fwete vila ve ntangu beto ke kabula baemvitasio?
3 Inki Beto Ta Tuba? Yo kele mbote nde beto tuba mingi ve, mpidina yo ta sadisa beto na kusolula ti bantu mingi. Lutiti 4 kele ti mbandu ya bangogo ya kukotila na masolo yina beto lenda sadila na kuwakana ti teritware na beto. Kansi, beto fwete sala ve mambu nswalu-nswalu kana muwi me yamba beto to kele na bangiufula. Ntangu beto ke kabula baemvitasio na bawikendi, beto fwete kabula mpi bazulunalu kana mpila kele. Na Marsi 2, beto ta sala ngolo sambu kukabula baemvitasio na kisika ya kuyantika kulonguka Biblia ti bantu.
4. Sambu na nki beto fwete sala kampanye yai na kikesa yonso?
4 Beto kele na kivuvu nde bantu mingi ta kwisa kuvukana ti beto na Lusungiminu. Diskure ta tendula kana Yezu Kristu kele mpenza nani. (1 Bak. 11:26) Yo ta tubila mutindu lufwa na yandi ke sadisaka beto. (Bar. 6:23) Yo ta tendula mpi sambu na nki kuyibuka lufwa ya Yezu kele mfunu. (Yoa. 17:3) Bika nde beto sala kampanye yai na kikesa yonso!