Mbandu ya Bangogo ya Kukotila na Masolo

Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Aprili

“Beto ke siamisa bamfinangani na beto na kutanga Biblia na bo. Kansi bantu mingi ke monaka nde Biblia ke mpasi na kubakisa. Keti nge mpi ke yindulaka mpidina? [Bika muntu yango kupesa mvutu.] Tala mambu zulunalu yai ke tuba.” Songa yandi lutiti ya nsuka ya Nzozulu ya Nkengi ya Aprili 1, mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Aprili 1

“Bantu yonso ya beto ke solula ti bo ke nwana na bampasi. Yo ke pusa bankaka na kudiyula kana luzingu kele mfunu. Inki ke kanga bantu mpenza nzila ya kuvanda na kiese bubu yai? [Bika muntu yango kupesa mvutu.] Biblia ke sila nde, ntama mingi ve, Nzambi ta kutula bampasi ya beto ke kutana ti yo bubu yai. [Tanga Kusonga 21:⁠4.] Zulunalu yai ke tubila mambu yina ta kumina beto na makwisa mpi mutindu beto le bakisa mfunu ya luzingu ata bubu yai.”

Réveillez-vous ! Aprili

“Na ntoto ya mvimba, bantu me kuma ti kikalulu ya kunwana na mabuta. Bankaka ke tuba nde kikalulu yai ke katukaka na binkulu ya bantu, na kisika bo yelaka, mpi na bansaka ya mubulu. Sa na nki bantu me kuma ti kikalulu yai ya kunwana na mabuta? [Bika muntu yango kupesa mvutu.] Biblia ke monisa bangwisana ya mbote yina bakala ti nkento fwete vanda ti yo. [Tanga Baefezo 5:33.] Zulunalu yai ke tubila mutindu minsiku yai ya Biblia me gulusaka makwela ya bantu yina ke zitisaka yo.”