Mbandu ya Bangogo ya Kukotila na Masolo
(Sadila periodike ya Kifalansa kana yo kele ve na Kikongo)
Nzozulu ya Nkengi Yuni 1
“Beto ke tala bantu mwa ntangu fioti sambu na kubenda dikebi na bo na Biblia. Bantu mingi ke yindulaka nde siansi ke tubaka mambu na siki-siki kuluta Biblia. Inki kele dibanza na nge sambu na Biblia? Keti nge ke mona nde beto lenda tudila yo ntima? [Bika muntu yango kupesa mvutu.] Tala mambu ya siki-siki yina Biblia ke tubila mpi ya ke wakana ti mambu ya siansi. [Tanga Yobi 26:7.] Zulunalu yai ke monisa mutindu mambu ya siansi ke wakanaka ti yina Biblia ke tubaka.”
Réveillez-vous ! Yuni
“Sambu bantu mingi ya kartie na beto ke nwana ti maladi, beto ke tala bantu mwa ntangu fioti sambu na kupesa bo kikesa na nsadisa ya verse yai ya Biblia. [Tanga Yezaya 33:24a.] Kana maladi kuvandaka ve, nge ke yindula nde luzingu na beto zolaka kuvanda nki mutindu? [Bika muntu yango kupesa mvutu.] Na ntwala nde mbikudulu yai kulungana, beto kele ti mambu tanu ya mfunu ya beto fwete sala sambu na kutomisa mavimpi na beto. Zulunalu yai ke tendula mambu yango.”