BIMVWAMA YA NDINGA YA NZAMBI | BINGANA 1-6
“Tula Ntima na Nge ya Mvimba na Yehowa”
Yehowa me fwana nde beto tudila yandi ntima ya mvimba. Ntendula ya zina na yandi ke pusaka beto na kutula ntima na mayele na yandi ya kulungisa balusilu na yandi yonso. Kisambu kele mfunu sambu na kukuma kutudila yandi ntima. Bingana kapu 3 ke ndimisa beto nde Yehowa ta ‘kumisa nzila na beto ya kusungama’ sambu na kufuta ntima ya beto ke tudilaka yandi.
Muntu yina kele mayele na meso na yandi mosi . . .
ke bakaka badesizio kukonda kusosa lutwadisu ya Yehowa na ntwala
ke tulaka ntima na bangindu na yandi mosi to na bangindu ya nsi-ntoto
Muntu yina ke tulaka ntima na Yehowa . . .
ke yedisaka kinduku ya ngolo ti yandi na nzila ya kulonguka ya Biblia, ya kuyindulula, mpi ya kisambu
ke sosaka minsiku ya Biblia sambu na kusosa lutwadisu ya Yehowa ntangu yandi ke baka badesizio
YA NTETE: Mu ke ponaka mambu yina mu ke monaka nde yo kele ya kuluta mbote |
YA ZOLE: Mu ke lombaka Yehowa na kusakumuna desizio na mono |
YA NTETE: Mu ke sosaka lutwadisu ya Yehowa na nzila ya kisambu mpi ya kulonguka na mono mosi |
YA ZOLE: Mu ke ponaka mambu yina ke wakana ti minsiku ya Biblia |