Nge Lenda Pesa Bampangi Yina Me Lembaka na Kimpeve Kikesa

Na Kizole, Aprili 11, bampangi mingi yina me lembaka na kimpeve ta kwisa na Lusungiminu. Bo yantikaka kubaka ntinu sambu na luzingu kansi bo me yambulaka sambu na bikuma mingi. Kamukanda Vutuka na Yehowa ke tubila mwa bikuma yina. (Ebr 12:1) Ata mpidina, bo kele kaka mfunu mingi na meso ya Yehowa sambu yandi sumbaka bo ti menga ya mwana na yandi. (Bis 20:28; 1Pi 1:18, 19) Inki mutindu beto lenda sadisa bo na kuvutuka na dibundu?

Bankuluntu ke salaka bikesa sambu na kusosa bampangi yina mpi kusadisa bo mutindu ngungudi ya kikesa ke sosaka mameme yina me yambulaka kibuka. (Luk 15:4-7) Yo ke monisaka nde Yehowa ke tudilaka bampangi yina dikebi ya zola. (Yer 23:3, 4) Beto yonso lenda pesa bampangi yina kikesa, bankuluntu mpamba ve. Bikesa yina beto ta sala sambu na kumonisa ntima ya mbote mpi nde beto ke zolaka bo ta sepedisa Yehowa mpi ta natila beto balusakumunu. (Bin 19:17; Bis 20:35) Yo yina, sosa na dibundu na beno bantu yina nge lenda pesa kikesa, mpi sala yo nswalu.

BENO TALA VIDEO PESA BAMPANGI YINA ME LEMBAKA NA KIMPEVE KIKESA, MPI NA NIMA BENO PESA MVUTU NA BANGIUFULA YAI:

• Inki Abbey salaka ntangu yandi monaka Mbangi mosi ya Yehowa yina yandi zabaka ve?

• Sambu na nki beto fwete solula ti bankuluntu kana beto ke zola kusadisa mpangi mosi ya me lembaka na kimpeve?

• Inki mutindu Abbey kudibongisaka sambu na kukwenda kutala Laura na mbala ya zole?

• Inki mutindu Abbey kwaminaka mpi monisaka ntima-nda ti zola ntangu yandi vandaka kupesa Laura kikesa?

• Mbandu ya Yezu yina kele na Luka 15:8-10 ke longa beto nki?

• Inki balusakumunu Laura bakaka sambu na bikesa yina Abbey salaka?