Bampangi ke ta kimbangi pene-pene ya Monrovia na Liberia

Mbandu ya Disolo ti Muntu

●○○ NA MBALA YA NTETE YA NGE ME KUTANA TI MUNTU

Ngiufula: Keti Biblia kele kaka na mfunu bubu yai?

Verse: 2Tm 3:16

Ngiufula ya Kutadila na Mbala ya Nima: Inki kele nsangu ya Biblia?

○●○ MVUTUKILU YA MPA YA NTETE

Ngiufula: Inki kele nsangu ya Biblia?

Verse: Mat 6:10

Ngiufula ya Kutadila na Mbala ya Nima: Kimfumu ya Nzambi ta sala nki?

○○● MVUTUKILU YA MPA YA ZOLE

Ngiufula: Kimfumu ya Nzambi ta sala nki?

Verse: Dan 2:44

Ngiufula ya Kutadila na Mbala ya Nima: Inki bupusi yo ta vanda ti yo na ntoto?

Banda na ngonda yai, lukutakanu ya kati-kati ya mposo ta vandaka diaka ve ti bambandu tatu ya bangogo ya kukotila na masolo. Kansi, Mukanda ya Lukutakanu Luzingu mpi Kisalu ta vandaka ti bambandu ya disolo ti muntu yina kele ti ngiufula, verse, mpi ngiufula ya kutadila na mbala ya nima sambu na kutula fondasio sambu na mvutukilu ya nkaka. Konso mposo beto ta talaka kaka video mosi ya mbandu ya kuyantika disolo ti muntu. Konso nsamuni lenda pona na kati ya mikanda yina ke sadisaka beto na kulonga bantu, mukanda mosi yina yandi ta sadila mpi ntangu yina yandi ta tubila yo; yo vanda na mbala ya ntete ya yandi me kutana ti muntu to na mvutukilu ya mpa. Diaka, mukanda ya lukutakanu ta vandaka ti bangindu sambu na bambandu ya kulandana zole ya disolo ti muntu. Yo ta sadisa beto na kulungisa lukanu na beto ya kulonga “bantu yonso yina [kele] ti nkadilu ya mbote sambu na kubaka luzingu ya mvula na mvula.”—Bis 13:48.

Masolo ya Bana ya Nzo-Nkanda: Kana bo me soba ve bantuma, bana ya nzo-nkanda fwete sala bansonga ya bambandu ya kuyantika masolo ti muntu.