Mutindu ya Kusadila Mbandu ya Disolo ti Muntu

Bampangi ke salaka ngolo sambu na kuyidika bambandu ya masolo ti bantu mpi bansamuni mingi me monaka nde yo ke sadisaka bantu ya teritware na bo. Mutindu mambu ke vandaka ve kiteso mosi bisika yonso, Bansamuni lenda sadila bametode mingi to masolo ya kuswaswana yina lenda benda dikebi ya bantu ya teritware na bo na kisalu ya kulonga nsangu ya mbote. Yo yina, Beto yonso fwete sadila bametode yina bo ta lomba beto na kusala na kampani ya sipesiali. Lukanu na beto kele ya kulungisa kisalu yina Yezu pesaka beto ya kulonga nsangu ya mbote ya Kimfumu.—Mat 24:14.

Kana bo me lomba mwana ya nzo-nkanda na kusala disolo, yandi fwete sadila disolo yina kele na mbandu ya disolo ti muntu na Mukanda ya Lukutakanu Luzingu mpi Kisalu. Kansi kana bo me songa yandi ve kisika yina yandi lenda zwa masolo, nsamuni lenda pona yandi mosi ngiufula, verse to ngiufula ya kutadila na mbala ya nima yina ta wakana ti mambu yina ke salama na teritware na bo. Mambu yai me soba mambu ya kele na lutiti 8 ya Mukanda ya Lukutakanu ya Yuni 2020.