Yandi Belulaka Bantu na Kisabatu

3:1-5

Sambu na nki Yezu waka mawa mingi kibeni sambu na bikalulu ya bamfumu ya dibundu ya Bayuda? Bo kumisaka Kisabatu kizitu mutindu bo vandaka kuyika bansiku mingi ya kukonda mfunu. Mu mbandu, bo buyisaka kufwa kiningi-ningi na Kisabatu. Bo pesaka nswa ya kubelula muntu kaka kana luzingu na yandi kele na kigonsa. Yo vandaka kutendula nde ata muntu mosi ve vandaka ti nswa ya kusansa mikwa ya muntu yina me bukana to kusansa bamputa na Kisabatu. Ya kieleka, bamfumu ya dibundu ya Bayuda wilaka ve muntu yina vandaka ti diboko ya ke nikanaka ve mawa.