Sadisa Balongoki ya Biblia na Kubuya Banduku ya Mbi

Sambu na kukuma nduku ya Yehowa, longoki ya Biblia fwete pona banduku ya mbote. (Nk 15:1, 4) Banduku ya mbote ta sadisa yandi na kusala mambu ya mbote.—Bin 13:20; lff dilongi 48.

Ntangu nge ke sadisa longoki na nge ya Biblia na kubuya banduku ya mbi, kuditula na kisika na yandi. Yo lenda vandila yandi mpasi na kuyambula banduku na yandi ya nsi-ntoto. Yo yina, monisa nde nge ke tudila yandi dikebi ya masonga. Nge lenda tindila yandi ba message, kubinga yandi, to kukwenda kutala yandi. Na ntangu yandi ke yela na kimpeve, bingisa yandi sambu na kulutisa ntangu ti bansadi ya nkaka ya Nzambi. Pana, yandi ta mona nde yandi ke baka mambote mingi kuluta bima yina yandi me bikisa. (Mar 10:29, 30) Nge mpi, nge lenda zwa kiese ntangu nge ke mona dibuta ya Yehowa ke kuma nene.

TALA VIDEO SADISA BALONGOKI NA NGE YA BIBLIA NA KUBUYA BANDUKU YA MBI, MPI NA NIMA BENO PESA BAMVUTU NA BANGIUFULA YAI:

• Banduku ya mbi kele banani?—1Bk 15:33

• Jade vandaka kumona nde kuvukana ti bampangi Bakristu ta vanda nki mutindu?

• Inki mutindu Neeta sadisaka Jade na kuyambula banduku ya mbi mpi kuzwa banduku ya mbote?