Keti Nge Kele ya Kuyilama na Kuditanina Kana Mavwanga Me Basika Kisika Yina Nge Ke Zingaka?

Sambu nsuka ya nsi-ntoto yai me kuma pene-pene, beto ke ndima nde mavwanga, mubulu mpi bitumba ta kuma diaka mingi. (Kus 6:4) Inki mutindu beto lenda yilama sambu na kuditanina na bampasi yina ke kwisa?

• Yilama na kimpeve: Sosa minsiku mpi masolo ya Biblia yina ta sadisa nge na kutudila diaka Yehowa ntima, organizasio na yandi mpi yina ta sadisa nge na kukota ve na mambu ya nsi-ntoto. (Bin 12:5; jr 125-126 § 23-24) Yai kele ntangu ya kukumisa kinduku na beto ngolo ti bampangi na kati ya dibundu.—1Pi 4:7, 8

• Yilama na kinsuni: Vanda ti pula yina ta sadisa nge na kuvanda ve na kigonsa kana mpila ya kuyambula nzo kele ve mpi bumba mwa madia. Diaka, zaba mambu yina nge ta sala kana yo lomba nde nge yambula nzo. Tala diaka bima yina nge me tulaka na saki yina ke vandaka ti bima yina nge kele ti yo mfunu, mpi na saki yango tula bima yina ta tanina nge mpi mwa mbongo. Sosa kuzaba mutindu nge ta solula ti bankuluntu mpi zikisa nde bo me zaba mutindu bo lenda solula ti nge.—Yez 32:2; g17.5 3-7

Kana mavwanga me basika, landa kusala mambu ya nge ke salaka mbala na mbala sambu na kusambila Yehowa, mu mbandu kusala kisambu, kulonguka mpi kukwenda na balukutakanu. (Fil 1:10) Kusoba ve bisika ya kuvanda, tuba nde bo me lomba beno na kukatuka kisika yina beno kele. (Mat 10:16) Kabila mpi bantu ya nkaka madia mpi bima ya nkaka ya nge kele ti yo.—Bar 12:13.

SONGA VIDEO KETI NGE KELE YA KUYILAMA SAMBU NA KISUMBULA? MPI NA NIMA BENO PESA BAMVUTU NA BANGIUFULA YAI:

• Inki mutindu Yehowa lenda sadisa beto kana kisumbula me salama?

• Inki mambu ya mfunu beto fwete sala sambu na kuvanda ya kuyilama?

• Inki mutindu beto lenda sadisa bantu ya nkaka yina me bwila bisumbula?