Landa Kuvanda ya Kuyilama na Nsuka ya “Bilumbu ya Nsuka”

Mutindu beto ke zinga na nsuka ya “bilumbu ya nsuka,” beto ke vingila nde bampasi kukuma diaka mingi. (2Tm 3:1; noti ya kulongukila ya Mat 24:8) Kana kisumbula mosi me bwila bansadi ya Yehowa, mbala mingi bo ke bakaka lutwadisu yina lenda gulusa bo mpi bo ke bakaka yo na ntangu ya me fwana. Beto ta guluka kana na bulemfu yonso beto ke kudibongisa bubu na kimpeve mpi na kinsuni.—Luk 16:10.

• Kudibongisa na kimpeve: Vanda ti kikalulu ya kusala mambu ya kimpeve mbala na mbala. Longuka mitindu ya nkaka ya kusamuna. Kuwa ve boma kana sambu na mwa ntangu nge kele ve kisika mosi ti bampangi ya dibundu. (Yez 30:15) Yehowa mpi Yezu kele ve ntama ti nge.—od 176 § 15-17

• Kudibongisa na kinsuni: Katula saki yina nge lenda tula bima ya fioti, konso dibuta fwete bumba sambu na ntangu ya mwa nda bima ya kudia ya kufwana, masa, bankinsi mpi bima ya nkaka ya mfunu.—Bin 22:3; g17.5 4, 6

TALA VIDEO KETI NGE KELE YA KUYILAMA SAMBU NA KISUMBULA YA LUGANGU? MPI NA NIMA BENO PESA BAMVUTU NA BANGIUFULA YAI:

• 

  Inki mutindu beto lenda kudibongisa na kimpeve sambu na kisumbula ya lugangu?

• 

  Sambu na nki beto fwete:

  • landa kusolula ti bankuluntu?

  • yidika bima yina lenda sadisa beto?

  • tubila bisumbula yina lenda salama na teritware na beto mpi mambu yina beto fwete sala na konso kisumbula?

• 

  Inki mambu tatu beto lenda sala sambu na kusadisa bampangi na beto ya me bwila kisumbula mosi buna?

KUDIYULA NDE: ‘Maladi yai ya coronavirus me longa mono nki na yina me tala kuvanda ya kuyilama?’