Bima ya Mfunu ya Mukanda Zinga Mvula na Mvula!

Keti nge ke sepela kusadila bavideo mpi bangiufula yina ke lombaka nde muntu kupesa dibanza na yandi ya kele na mukanda Zinga Mvula na Mvula? Inki nge lenda tuba sambu na bitini “Bantu ya Nkaka Ke Tubaka Nde,” “Mambu ya Kusala,” mpi “Tala Mpi”? Kana nge ke longuka Biblia ti bantu na nsadisa ya mukanda yai, inki ya nkaka lenda vanda mfunu?—Mat 28:19, 20.

Mikanda, Masolo, Bima ya Kuwidikila mpi Bavideo: Kana nge me zola kusadila mukanda yai ya papie sambu na kulonguka Biblia ti muntu, inki mutindu nge lenda zwa kukonda mpasi bavideo yonso, mikanda, masolo mpi bima ya kuwidikila? Na mukanda ya kusadila na ba-apareyi, pona kitini mosi na kati ya bitini iya ya mukanda. Na nsuka ya konso kitini na nsi, nge ta mona lien mosi ya ke nata na mikanda, masolo bima ya kuwidikila mpi bavideo yonso ya kele na kitini yina. (Tala kifwanisu 1.)

Kisika ya Bo Me Sonika “Mode Image”: Kana nge ke longuka ti muntu na nzila ya mukanda ya apareyi, nge lenda sepela mpi kusadila kitini “Mode Image.” Na zulu ya lutiti ya konso dilongi, na kisika yina bo me tulaka tubidimbu, bweta matonsi tatu ya kele pana. Na nima bweta kisika bo me sonika “Mode Image.” Yo lenda sadisa nge na kumona pwelele mutindu mambu ya beno ke tubila ke wakana ti ntu-diambu ya dilongi. Kana nge ke zola kuvutuka na mukanda ya kusadila na apareyi, bweta diaka na matonsi yina tatu. Na nima bweta kisika bo me sonika “Mode Texte.”

“Keti Mono Kele ya Kuyilama?”: Balupangu yai kele pene-pene ya nsuka ya mukanda. Yo ke monisa mambu ya mfunu yina muntu fwete sala sambu na kubanda kulonga nsangu ya mbote ti dibundu mpi kubaka mbotika. (Tala kifwanisu 2.)

Banoti: Banoti kele ti malongi ya ke tendula mambu ya me tala bantu-diambu ya mfunu. Mukanda ya kusadila na ba-apareyi kele ti lien na nsuka ya konso noti mpi lien yango ta vutula nge na kisika yina nge kele na dilongi mosi buna. (Tala kifwanisu 2.)