Mutindu Ya Kulonguka

Sosa Bimvwama ya Kimpeve ya Me Tala Yehowa

Ntangu beto ke tanga Biblia, beto lenda sala bansosa sambu na kubakisa mbote-mbote mambu yina beto ke tanga. Ya kieleka, beto fwete tanga ve kaka sambu na kuzaba mambu mingi. Kansi beto fwete sosa mpi bimvwama ya kimpeve ya me tala bikalulu ya Yehowa sambu yo sadisa beto na kuzola yandi diaka mingi. Sambu na kuzwa yo, beto lenda kudiyula nde: ‘Inki disolo yai ke longa mono sambu na Yehowa?’

Beto lenda sosa mambu yina ke monisa kibeni nde Yehowa kele zola, mayele, lunungu mpi ngolo. Ya kieleka, Yehowa kele diaka ti bikalulu mingi ya nkaka ya kitoko katula yina. Na wapi nge lenda zwa mambu mingi ya me tala bikalulu yina?

Tala liste ya bikalulu kuluta 50 na mukanda Index des publications des Témoins de Jéhovah na nsi ya ntu-diambu “Jéhovah” mpi na kantu-diambu “Qualités par nom.” Sosa bikalulu yina ke wakana ti disolo yina nge ke tanga. (Kana nge kele kaka ti Mukanda ya Bansosa Sambu na Bambangi ya Yehowa, tala na nsi ya ntu-diambu “Yehowa Nzambi” mpi na kantu-diambu “Bikalulu ya Yehowa.”)