NGIUFULA 2
Inki mutindu nge lenda longuka mambu ya Nzambi?
“Mukanda yai ya Nsiku fwete katuka ve na munoko na nge, mpi nge fwete tanga yo na ndinga ya nsi mpimpa ti mwini, sambu na kuzitisa mbote-mbote mambu yonso ya bo me sonika na mukanda yina; mpidina nge ta nunga, mpi nge ta sala mambu na mayele.”
“Bo landaka kutanga mukanda yina na ndinga ya ngolo, Nsiku ya Nzambi ya kieleka, bo vandaka kutendula yo pwelele mpi kupesa ngindu na yo; mpidina bo sadisaka bantu na kubakisa mambu yina bo vandaka kutanga.”
“Kiese na muntu yina ke tambulaka ve na kulanda ndongisila ya bantu ya mbi . . . , kansi yandi ke vandaka na kiese na nsiku ya Yehowa, mpi yandi ke tangaka nsiku na yandi na ndinga ya nsi mpimpa ti mwini. . . . Konso kima yina yandi ke sala ta nunga.”
“Filipo kwendaka ntinu na lweka na yo mpi waka muntu yina ke tanga mukanda ya mbikudi Yezaya na ndinga ya ngolo, mpi yandi tubaka nde: ‘Keti nge ke zaba kibeni mambu ya nge ke tanga?’ Yandi tubaka nde: ‘Ya kieleka, inki mutindu mono lenda zaba kana muntu kutendudila mono ve?’”
“Bikalulu na yandi ya ke monikaka ve ke monanaka pwelele tuka lugangu ya nsi-ntoto, sambu yo ke monanaka na bima yina yandi salaka, disongidila ngolo na yandi ya kukonda nsuka mpi Kinzambi na yandi, yo yina bo kele ve ti kima ya kutuba.”
“Yindulula mambu yai; kudipesa ya mvimba na yo, sambu bantu yonso kumona pwelele nde nge ke kwenda na ntwala.”
“Beto tudila bankaka dikebi sambu na kupusa bo na kumonisa zola mpi na kusala bisalu ya mbote, beto yambula ve kuvukana kumosi.”
“Kana muntu mosi na kati na beno me konda mayele, bika yandi landa kulomba na Nzambi, sambu yandi ke kabaka mingi na bantu yonso mpi kukonda kunganina, mpi Nzambi ta pesa yandi yo.”